2 KIUTHSÜYUKHEAN 23:13 - AMÜSÜH HÜM CL Bible (BSI)

¹³ tüsho küyimki alibenü akheahkhea, kiulongthsüpuh ju ayüzahpung anihbuh dungjing ki zhip, tüsho wühkenorübo le hulipungpung khungrü kiulongthsüpuh rheang ki zhip, tüsho lomi mihtsürü alalanü asühachih tüsho hulipungpungbo müt, tüsho khün thsürübonü arü khün-khungbebo shuhbah münchi bede ngü. Athalianü anihbe khimmih thorüp, tüsho zhi, “Mülapmüjido! Mülapmüjido!”

2 KIUTHSÜYUKHEAN 23:13 Iomraidhean Croise

2 KIULONG THSÜRÜ 11:14

küyimki alibenü akheahkhea, jipü-yakli yande, kiulongthsüpuh lung wühkenorübo, kiulongthsüpuh rheang ki hulipungpung khungrübo, tüsho mihtsürü alala asühachihde tüsho hulipungpung khungde dungjing ki zhipde ngü. Athalianü anihbe khim thorüp tüsho zhi, “Amülim! Amülim!”

2 KIULONG THSÜRÜ 23:3

Kiulongthsüpuhnü dungjing ki zhip tüsho api yukhümbo, yakzanbo, thiyuzüngbo ha hüm ching thrüta lakhi tangzüngkhi yubo rhimode Atungpuh yanpü api miki tangzüng khülang thsü. Mihtsürü alalanü tangzüngkhi ching arihde yan.

2 KIULONG THSÜRÜ 9:13

Judüki arünü niokheamde arü khimmih lubah api thsungkheak jingdüküpung kheak khimjih; tüsho arünü hulipungpung khung, tüsho zhiyuk, “Jehu ju kiulongthsüpuh.”

2 KIULONG THSÜRÜ 9:23

Judüki Joramnü rholobah tsode Ahazia ki tha, “Ahazia, amülim ah!”

1 KIUTHSÜYUKHEAN 12:40

Kheaküshe, arü yamhingrü Issakar, Zebulun, tüsho Naphtali chingnü tsühyungbe donki, kemel, khoranunu tüsho moshipungbo kheaknü suhdahkhi tsühyungpü, kurungaso yikhap, kurungaso mukuh, yukhu, müdangke, moshipungbo tüsho namfimihnu hanbah arü, tümütüsho Israel ching asühachihkhi lakheah.

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

1 KIUTHSÜYUKHEAN 15:27

David a shulünkhim athünak atsüdakbe phuyu, sangdan shuhpü Levirü alala, tüsho khün thsürü, khün thobuh Kenania arü she ju ruk yih, tüsho David a khimthünak phuyu;

2 KIUTHSÜYUKHEAN 23:12

Küyimki Athalianü mihtsürübo nanachihde tüsho kiulongthsüpuh shikhi düsheak sokhea, alibenü mihtsürübo kilim Atungpuh yam ching yüzah;

2 KIUTHSÜYUKHEAN 23:14

Judüki amükeambuh Jehoiadanü bonungrü chibo kurung wühkenorübo bede akhiukbah arü ki tha, “Alibe ju aheangrübo dükeak bekhitang; shepünü alibe dunglim yanbanü nukshangnü asheshihbah.” Tümüde amükeambuhnü tha, “Alibe Atungpuh yam chingnü düsheshih.”

2 KIUTHSÜYUKHEAN 34:31

Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

MUNGSHIKHÜN 14:5

Arübo tode atrekhi ching labah, tümüde thiyuro-lungki lün bolung Thrünpuh lah.

MÜCHITMUDU 11:10

Küyimki thiyuro-lungkirü tsüde alabanü, kiuto asühachihchoh; tüsho küyimki mihbukmuyuk dükheakbanü, asühachihde azhikhi lah.

MÜCHITMUDU 29:2

Küyimki thiyuro-lungkirünü yakzan shuhbanü, mihtsürübo asühachihchoh; küyimki mihbukmuyuknü yakzan shuhbanü, mihtsürübo phüthsaksümchoh.

T H S AN GYU T H S AN GR ARÜ 9:12

Tümüde thsümütsü kim shenü mümüchitkhuk. Keang ching thüngüh phuhkhi nangde, tüsho qimürip ching wuhnu phuhkhi nangde, zukleangnü arü kheak keamchoh, thsümütsü kim ching mihtsürübo phuhchoh.

EZEKIEL 46:2

Kiulongthsüpuhnü mükü limro ching aleanglimnü yüzahbah, tüsho ripit dung ki api zhipbah. Amükeamrübonü api yo taka kingaünkhi, mungtsü kingaün jihbah, tüsho apinü düküyukpung kheak khukningbah. Jushu api wukhiukbah, tüshe ripit ju arelim khiungde mürih.

MAHKHAPRÜ 7:8

Jumonü Gideonnü aningkhi Israelrü nihbuh khimyambo ching thiyia yüshih, tüshe ahiuhakhiprü tüsho hulipungpung shuhrü 300 zolo; tüsho Midiarü binkheampung ju abolim jindükhün ching lakheah.