2 KIUTHSÜYUKHEAN 23:11 - AMÜSÜH HÜM CL Bible (BSI)

¹¹ Jushu apinü kiulongthsüpuh tsührü bede akhiukbah api kheak kuthran thranjih, tüsho api kilim tangzüngkhi jih; arünü api kiulongthsüpuh de zhiyukjih, tüsho Jehoiada le api tsührübonü api mujude-mokhit tüsho arünü zhi, “ Kiulongthsüpuh kutsüpde laang!”

2 KIUTHSÜYUKHEAN 23:11 Iomraidhean Croise

2 SAMUEL 1:10

Jumonü inü api kheak zhip tüsho api laksah, tümüde api lungabahshu rhangdung mülakhuk de inü mükheah. Inü aku kheak kihkhi kuthran tüsho abin kheak yo bingkhüm lubah ha ching I tungpuh ki lubah arükheah.”

2 SAMUEL 16:16

Küyimki David müyambuh, Arkrü Hushai ju Absalom ki arükhea, Hushainü Absalom ki tha, “ Kiulongthsüpuh kutsüpde laang! Kiulongthsüpuh kutsüpde laang!”

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

1 KIULONG THSÜRÜ 1:25

Tümüde api khihni yükido tüsho moshipung, amüdangkhi moshibo, tüsho namfimihnu suhdahde laksah-a kingaündo, tüsho kiulongthsüpuh tsührü alala, bonungrü limthobuh Joab, tüsho amükeambuh Abiathar jiyukbah kheakü tsühyungde arünü api miki thachoh, ‘ Kiulongthsüpuh Adonija kutsüpde laang!’

1 KIULONG THSÜRÜ 1:34

Ju ching amükeambuh Zadok tüsho wukihbuh Nathan anenü api Israel kurungkheak kiulongthsürü thsüpü mujude-mokhitshang; jushu hulipungpung khungang, tüsho thaang, ‘ Kiulongthsüpuh Solomon kutsüpde laang!’

1 KIULONG THSÜRÜ 1:39

Ju ching amükeambuh Zadoknü müdangke pung khimyam chingnü lu tüsho Solomon mujude-mokhit. Jushu arünü hulipungpung müt tüsho mihtsürü alalanü tha, “Kiulongthsüpuh Solomon kutsüpde laang!”

2 KIULONG THSÜRÜ 11:12

Judüki apinü kiulongthsüpuh tsührü bede akhiukbah api kheak kuthran thranjih, tüsho api kilim tangzüng jih; arünü api kiulongthsüpuh de zhiyuk, tüsho api mujude-mokhit; arünü arü khahbo dam tüsho zhi, “ Kiulongthsüpuh kutsüpde laang!”

2 KIUTHSÜYUKHEAN 22:11

Tüshe kiulongthsüpuh tsührübe Jehoshebanü alaksahpü lakhi kiulongthsüpuh tsührübo lungnü Ahazia tsührü Joash jikde bebah tso; alibenü api le api mütrürü ju yappung khiungshak ching lashih. Hanangde Jehoram kiulongthsüpuh tsührübe tüsho amükeambuh Jehoiada niube Jehoshebanü–tümütüsho alibe ju Ahazia achi lakheah– Athalia kheaknü ramkhi, junangde alibenü api mülaksah;

2 KIUTHSÜYUKHEAN 23:10

tüsho apinü mihtsürü alala kiulongthsüpuh thsungkheak aheangrü thsüpü mihbüm aban khah ching thsühnuk shuhbah, thüyam abolimnü akulim khiungde, kingaün sadam tüsho thüyam mükamde zhipshih.

2 KIUTHSÜYUKHEAN 23:12

Küyimki Athalianü mihtsürübo nanachihde tüsho kiulongthsüpuh shikhi düsheak sokhea, alibenü mihtsürübo kilim Atungpuh yam ching yüzah;

MUNGSHIKHÜN 132:18

Inü api riribo achihnü alüpdojihbah tüshe api kiulongthsü akuk ngüde lalim tsübah.”

MUNGSHIKHÜN 21:3

Tümüde nünü müngühmühi atsünü api shoru; nünü suna müthsün kuthran api ku kheak yihkihjih.

MUNGSHIKHÜN 78:5

Apinü Jakob thsungkheak thiyuzüngbo thsü tüsho Israel ching yakzan zo, küpü apinü isa jipürü ki thiyukhüm jih, junangde arü tsührübo ki thsangyupü lakheah;

MUNGSHIKHÜN 89:20

Inü I yamlarü David ngüdo; inü I yo amüsüh müdangkenü api mujude-mokhitdo,

MUNGSHIKHÜN 89:39

Nünü nü yamlarü ki tangzüngkhi thsümünimdo; nünü api kuthran asungthulung ching bahkhinü müneanshihdo.

ABEKHIT 25:16

Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 25:21

Nüsanü sangdan mikheak mihmüthsüm binkiu yihkihbah, tüsho inü ajihpü lakhi lungbeak mahne sangdan ching yukang.

ABEKHIT 31:18

Tüsho küyimki apinü Sinai Müzüng kheak Mosa ki asukachihkhamkhea, apinü anihbuh kilim Thrünpuhnü thiyukhüm thrütkihkhi lungbeak mahne jih.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 8:16

Rhangdung-yumütsan rhükruang, I jingyanrü bolung thsangyukhi yümkihang.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

AMIKHEAKAKHIUKKHI 19:12

Api mükjibo motru nangde, tüsho aku kheak kuthran ahihdo thran; api kheak hode shenü mümükheahkhi mung thrütkih-a lakheah.

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 10:24

Samuelnü mihtsürü alala ki tha, “Atungpuhnü amokhitkhi ha nüsanü ngüchonah? Api nangde mihtsürü alala bolung she müla.” Tüsho mihtsürü alalanü zhi, “ Kiulongthsüpuh kutsüpshang!”