2 KIUTHSÜYUKHEAN 22:9 - AMÜSÜH HÜM CL Bible (BSI)

⁹ Apinü Ahazia yim; Samaria ching jikde alachoki arünü api ram tüsho Jehu kilim bede arü, tüsho laksah. Arünü api kiuyukabah, tümüde arünü tha, “Api Jehoshaphat tsührü-tsührü ah, apinü api mulong athrünkhinü Atungpuh yim.” Tüsho Ahazia yamkhün ching kiulongthsü yakzan shuhkhukpü thsüde she mülade alakheah.

2 KIUTHSÜYUKHEAN 22:9 Iomraidhean Croise

1 KIULONG THSÜRÜ 13:21

tüsho Juda chingnü arükhi Thrünpuh mihtsürü ki apinü zhiyuk, “Atungpuhnü ha thachoh: Tümütüsho nünü Atungpuh yu mani tüsho Atungpuh nü Thrünpuhnü nü ki thiyukhüm jihkhi müyan,

1 KIULONG THSÜRÜ 14:13

Israel alalanü api thsungkheak tüzhobah tüsho api kiuyuka bahbah; tümüde api lang Jeroboam yamkhün chingnü mibahpung arübah, tümütüsho Jeroboam yamkhün ching, api kheak Israel Thrünpuh, Atungpuh asühshihbe tümükhüh lah.

2 KIULONG THSÜRÜ 9:34

Jushu apinü yüzah tüsho tsühyung; apinü tha, “Ju muthrumüneankhi azoberü kilim kheahang tüsho anihbe kiuyuka bahang; tümüde alibe kiulongthsüpuh tsührü ah.”

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 21:17

Arünü Juda azhihde atubah yüzah, tüsho arünü angükhi kiulongthsüpuh yam ching kukrukbo, api tsührübo tüsho api niubebo lubah tso, junangde api tsührü akheambuh Ahazia kheak hode tsührü maningshih.

2 KIUTHSÜYUKHEAN 21:20

Api kiulongthsü tankihchoki kam 32 azorü lakheah; apinü Jirusalem ching kam tizheah kiulongthsü. Shenü mülümrhihde api chamachih. Arünü api David kiuto ching kiuyukabah, tüshe kiulongthsürübo kiuyukbo ching yung.

2 KIUTHSÜYUKHEAN 21:4

Küyimki Jehoramnü abuh kiulongthsü-binkiu kheak yükihkhea tüsho düküngde akamkhea, apinü akeoniorü alala tüsho Israel torübo khürü laksah.

2 KIUTHSÜYUKHEAN 22:8

Küyimki Jehunü Ahab yamkhün kheak mahkhapde alakhea, Juda atorübo tüsho Ahazia keoniorü tsührübo Ahazia ki arürü apinü shoru, tüsho apinü arübo laksah.

2 KIUTHSÜYUKHEAN 24:25

Küyimki arünü api khitode yurijihbah atsokhea, api yamlarübonü anihbuh azhihde amükeambuh Jehoiada tsührü thiyih dünkheaknü ramde lümkhi thsü, tüsho arünü anihbuh yapkiu kheaknü api laksah. Jumonü api sheabah; tüsho arünü api David kiuto ching kiuyukabah, tüshe arünü api kiulongthsürübo kiuyukbo ching mübah.

2 KIUTHSÜYUKHEAN 25:27

Amazianü Atungpuh kheaknü rholode atsokhi nimungnü arünü Jirusalem ching api azhihde mülapmüjide rhimo, tüsho api Lakish ching tsoabah. Tüshe arünü api dunglim mihtsürübo yüshih, tüsho ju ching api laksah.

2 KIUTHSÜYUKHEAN 33:24

Anihbuh yamlarübonü api azhihde mulomülap tüsho ayam chingnü api laksah.

JEREMIA 29:13

Nüsanü küyimki I yimbanü, nüsanü I ngübah; nüsanü nüsa mulong athrünkhinü I yimsho,