2 KIUTHSÜYUKHEAN 22:7 - AMÜSÜH HÜM CL Bible (BSI)

⁷ Tüshe Joram rhua kheahpü yüchoki Ahazia keampü ju Thrünpuh lümkhi lakheah. Küyimki Ahazia ju ching arükhea, apinü Nimshi tsührü Ahab yamkhün thsümünimpü Atungpuhnü mujude-mokhitkhi Jehu shorupü Jehoram lung wukhiuk.

2 KIUTHSÜYUKHEAN 22:7 Iomraidhean Croise

1 KIULONG THSÜRÜ 12:15

Junangde kiulongthsüpuhnü mihtsürübo ki mani, tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh lümkhi lakheah.

1 KIULONG THSÜRÜ 12:24

“Atungpuhnü ha thachoh, Israel mihtsürü nüsa keoniorü bede keochihpü nüsa duwutu. Mihbüm aban thüyam lim yüshang, tümüde ha I lümkhi ah.” Jumonü arünü Atungpuh yu ani tüsho Atungpuh yu ayannü thüyam lim alode yü.

1 KIULONG THSÜRÜ 19:16

Kheaküshe nünü Israel kurungkheak kiulongthsürü thsüpü Nimshi tsührü Jehu mujudemokhitang; tüsho Abelmeholarü Shaphat tsührü Elisha nü müthri wukihrü thsüpü mujude-mokhitang.

1 KIULONG THSÜRÜ 22:20

Tüsho Atungpuhnü tha, ‘ Shepünü Ahab mülomülapba, junangde api wutubah tüsho Ramoth-gilead ching lungbah?’ Judüki khülangnü khülang ha tha, tüsho püpürünü ju tha,

2 KIULONG THSÜRÜ 10:11

Jumonü Jehunü Jezreel ching Ahab yamkhün aningkhi alala, limberü alala, mükheahachihrübo tüsho amükeamrübo, rhangdung lapü maningshihde laksahkham.

2 KIULONG THSÜRÜ 9:21

Joramnü tha, “Thsakhamang.” Tüsho arünü api khora-lolungbe thsakham. Jushu Israel kiulongthsüpuh Joram tüsho kiulongthsüpuh Ahazia ane nihbuh khora-lolungbe kheaknü tsahmusu, tüsho Jehu shorupü yü; anenü api Jezreelrü Naboth lo ching shoru.

2 KIULONG THSÜRÜ 9:27

Küyimki Juda kiulongthsüpuh Ahazianü ha ngükhea, apinü Beth-haggan lim alihde tso. Jehunü api müshamde tha, “Api she kipang!” Tüsho arünü api Ibleam ching, Gur wutu lim khora-lolungbe chingnü kip. Jushu api Megiddo lim alihde yü tüsho ju ching sheabah.

2 KIUTHSÜYUKHEAN 10:15

Junangde kiulongthsüpuhnü mihtsürübo ki mani tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh Thrünpuh lümkhi lakheah.

2 KIUTHSÜYUKHEAN 22:6

tüsho apinü Siria kiulongthsüpuh Hazael kheak keochihchoki Rama ching yurikhi mübo thsüngupü Jezreel ching alode arü. Tüsho Juda kiulongthsüpuh Jehoram tsührü Ahazianü Ahab tsührü Joram shorupü Jezreel ching yüki, tümütüsho api yuria lakheah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

MÜCHITMUDU 16:9

Mihtsürü mulongnü api limro lümkhi thsüchoh, tüshe Atungpuhnü api jingdükübo huhchoh.

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

MALAKI 4:3

Tüsho nüsanü mihbukmuyuk thrümyukbah, tümüde inü arhimopü nimung arübo ju nüsa jinglung khüp awahbo nangde alabah, Wuto Atungpuhnü thachoh.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

MAHKHAPRÜ 14:4

Tüshe abuh le abe bünenü ha Filistiarü azhihde Atungpuhnü kim akhuchoh de mümükheah. Tümüde ju kim ching Filistiarünü Israel kurungkheak yakzan shuhde alakheah.