2 KIUTHSÜYUKHEAN 22:5 - AMÜSÜH HÜM CL Bible (BSI)

⁵ Apinü arü athsunganahkhi she yan, tüsho Siria kiulongthsüpuh Hazael bede thirithsüpü Israel kiulongthsüpuh Ahab lung Ramoth-gilead ching yü. Siriarünü Joram yurijih,

2 KIUTHSÜYUKHEAN 22:5 Iomraidhean Croise

1 KIULONG THSÜRÜ 22:3

Israel kiulongthsüpuhnü api yamlarübo ki tha, “Ramoth-gilead isa yo ah tüsho Siria kiulongthsüpuh kheaknü alulopü isanü tümü mürhimo de nüsanü mükheahnah?”

1 KIULONG THSÜRÜ 4:13

Bengeber, Ramoth-gilead ching (api yo ju Gilead ching lakhi Manase tsührü Jair kiulongbo tüsho Bashan ching lakhi Argob lomi, chipi ayünkhi tüsho müwayinchi khrihbebo lakhi kiuto 60);

2 KIULONG THSÜRÜ 3:1

Juda kiulongthsüpuh Jehoshaphat kam thürükheak tizheahpü ching, Ahab tsührü Jehoram Samaria ching Israel kurungkheak kiulongthsürü kam; apinü kam thürükheak mahne kiulongthsü.

2 KIULONG THSÜRÜ 8:9

Jumonü Hazaelnü Damaska kukruk thsambah lubah anihbuh shorupü yü. Küyimki api yüzahbah anihbuh miki zhipkhea, apinü tha, “Nü tsührü Siria kiulongthsüpuh Ben-hadadnü I nü kilim arüshihde tha, ‘I ha tukthsü chingnü anguba shi?’”

2 KIULONG THSÜRÜ 9:1

Judüki wukihbuh Elishanü wukihrü bolung khülang ji tüsho api ki tha, “Nü chim rüma lung; ha müdangke pung nü khah ching luang, tüsho Ramoth-gilead ching yüang.

2 KIUTHSÜYUKHEAN 18:3

Israel kiulongthsüpuh Ahabnü Juda kiulongthsüpuh Jehoshaphat ki tha, “Nü I lung Ramoth-gilead azhihde yünahnü?” Apinü anihbuh ki alo, “I nü lung lah, I mihtsürübo ju nü mihtsürübo ah. Isa nü lung thirithsü ching labah.”

2 KIUTHSÜYUKHEAN 18:31

Küyimki khora-lolungbe wühkenorübonü Jehoshaphat ngükhea, arünü tha, “Ha Israel kiulongthsüpuh ah.” Jumonü arünü api bede keochihpü rholo; tüsho Jehoshaphatnü zhi, Atungpuhnü api rung. Thrünpuhnü arübo api kheaknü bede tso,

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

2 KIUTHSÜYUKHEAN 22:6

tüsho apinü Siria kiulongthsüpuh Hazael kheak keochihchoki Rama ching yurikhi mübo thsüngupü Jezreel ching alode arü. Tüsho Juda kiulongthsüpuh Jehoram tsührü Ahazianü Ahab tsührü Joram shorupü Jezreel ching yüki, tümütüsho api yuria lakheah.

MUNGSHIKHÜN 1:1

Mihtsürü shepünü mihbukmuyuk lümthiyan ching mütsahcho, yungsho aneakrü limro ching müzhipcho, yungsho luhmünerü binkiu kheak mübinchonü asühpü;

DANIEL 5:22

Tüsho nü, api tsührü Belshazzar, nünü ha alala mükheahkheah she nü mulong mazhihayih!

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.