2 KIUTHSÜYUKHEAN 22:1 - AMÜSÜH HÜM CL Bible (BSI)

¹ Jirusalem ching larübonü api tsührü akheambuh Ahazianü api müthri kiulongthsürü thsüshih; tümüde bonungrübo Arabrü kheak binpung ching arürünü tsührü azorübo alala laksah. Jumonü Jehoram tsührü Ahazianü kiulongthsüpü tankih.

2 KIUTHSÜYUKHEAN 22:1 Iomraidhean Croise

2 KIULONG THSÜRÜ 10:13

Jehunü Juda kiulongthsüpuh buhtsührü shoru tüsho tha, “Nüsa sherü a?” Arünü alo, “Isa Ahazia buhtsührü ah; isa kiulongthsüpuh tsührübo tüsho kiulongthsübe Jezebel tsührübo rhua kheahpü akikheah.”

2 KIULONG THSÜRÜ 8:16

Israelrü Ahab tsührü kiulongthsüpuh Joram kiulongthsükhi kam phüngüpü ching Juda kiulongthsüpuh Jehoshaphat tsührü Jehoramnü kiulongthsüpü tankih.

2 KIULONG THSÜRÜ 9:1

Judüki wukihbuh Elishanü wukihrü bolung khülang ji tüsho api ki tha, “Nü chim rüma lung; ha müdangke pung nü khah ching luang, tüsho Ramoth-gilead ching yüang.

1 KIUTHSÜYUKHEAN 3:11

atsührü Joram, atsührü Ahazia, atsührü Joash,

2 KIUTHSÜYUKHEAN 22:2

Ahazia kiulongthsüpü tankihchoki kam 22 azorü lakheah; apinü Jirusalem ching kam khülang kiulongthsü. Abe mung ju Omri tsührü-tsührü Athalia lakheah.

2 KIUTHSÜYUKHEAN 23:3

Judüki amukhungrü alalanü Atungpuh yam ching kiulongthsüpuh ki tangzüng khülang thsü. Jehoiadanü arü ki tha, “ Kiulongthsüpuh tsührü ha kheak lah! David tsührübo dünkheak Atungpuhnü alokhikhi nangde apinü kiulongthsüshang.

2 KIUTHSÜYUKHEAN 25:23

Israel kiulongthsüpuh Jehoashnü Ahazia tsührü, Joash tsührü Juda kiulongthsüpuh Amazia Beth-shemesh chingnü tholo; apinü anihbuh Jirusalem lim bede arü, tüsho Jirusalem chipi ju Ephraim Ripit kheaknü Amühit Ripit khiungde, adükeak khahnap 400 zahde kingkheam.

2 KIUTHSÜYUKHEAN 26:1

Judüki Juda mihtsürü alalanü kam 16 azorü lakhi Uzzia bea lu, tüsho abuh Amazia müthri kiulongthsürü thsüshih.

2 KIUTHSÜYUKHEAN 33:25

Tüshe kiulongthsüpuh Amon azhihde mulomülaprü lomi mihtsürübonü laksah; tüsho lomi mihtsürübonü api tsührü Josia api müthri kiulongthsürü kamshih.

2 KIUTHSÜYUKHEAN 36:1

Lomi mihtsürübonü Josia tsührü Jehoahaz lu tüsho abuh müthri Jirusalem ching kiulongthsürü kamshih.