2 KIUTHSÜYUKHEAN 21:20 - AMÜSÜH HÜM CL Bible (BSI)

²⁰ Api kiulongthsü tankihchoki kam 32 azorü lakheah; apinü Jirusalem ching kam tizheah kiulongthsü. Shenü mülümrhihde api chamachih. Arünü api David kiuto ching kiuyukabah, tüshe kiulongthsürübo kiuyukbo ching yung.

2 KIUTHSÜYUKHEAN 21:20 Iomraidhean Croise

2 KIULONG THSÜRÜ 8:24

Junangde Jehoram nihbuh jipürü lung yap, tüsho arü lung David kiuto ching kiuyukabah; api tsührü Ahazianü api müthri.

2 KIUTHSÜYUKHEAN 23:21

Junangde lomi mihtsürü alala asühachih, tüsho nukshangnü Athalia laksahshu a kiuto zhikrangkhündo kam.

2 KIUTHSÜYUKHEAN 24:16

Tüsho arünü api David kiuto ching kiulongthsürü bolung kiuyukabah, tümütüsho apinü Israel ching, tüsho Thrünpuh le api yam thsungkheak tsüde rhimo.

2 KIUTHSÜYUKHEAN 24:25

Küyimki arünü api khitode yurijihbah atsokhea, api yamlarübonü anihbuh azhihde amükeambuh Jehoiada tsührü thiyih dünkheaknü ramde lümkhi thsü, tüsho arünü anihbuh yapkiu kheaknü api laksah. Jumonü api sheabah; tüsho arünü api David kiuto ching kiuyukabah, tüshe arünü api kiulongthsürübo kiuyukbo ching mübah.

2 KIUTHSÜYUKHEAN 26:23

Uzzia nihbuh jipürü lung yap; arünü api kiulongthsürübo mibahpung arü phünide kiuyukabah tümüde arünü tha, “Api apham kihlah.” Api tsührü Jothamnü anihbuh müthri.

2 KIUTHSÜYUKHEAN 28:26

Kheakü aningkhi api rhimobo tüsho api limrobo alala, atankihnü akheam khiungde, Juda tüsho Israel kiulongthsürübo hüm ching thrüta lah.

2 KIUTHSÜYUKHEAN 28:27

Ahaz nihbuh jipürü lung yap, tüsho arünü api Jirusalem ching, kiuto ching kiuyukabah; tüshe arünü api Israel kiulongthsürübo kiuyukbo ching hande müyüzah. Api tsührü Hezekianü anihbuh müthri.

2 KIUTHSÜYUKHEAN 33:20

Manase nihbuh jipürü lung yap, tüsho arünü api ayam ching kiuyukabah. Api tsührü Amonnü anihbuh müthri.

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

JEREMIA 22:18

Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

JEREMIA 22:28

Ha mihtsürü Jehoiakin ha mükheahnekhi atrükhi phüh a de? Tümü thsükhi api le api tsührübo yankhita bah-a la tüsho arünü mümükheahkhi lomi ching yana tsoshih-a la?