2 KIUTHSÜYUKHEAN 21:11 - AMÜSÜH HÜM CL Bible (BSI)

¹¹ Kheaküshe apinü Juda awung lomi ching achang dangpungbo thsü, tüsho Jirusalem ching larü müthülünde kamshih, tüsho Juda ju bahkhide tsoshih.

2 KIUTHSÜYUKHEAN 21:11 Iomraidhean Croise

1 KIULONG THSÜRÜ 11:7

Judüki Solomonnü Jirusalem aniakhiuklim awung kheak, Moab athraneanbe thrünpuh Kemosh, tüsho Amonrü athraneanbe thrünpuh Molek thsungkheak kingaünpung thsü.

1 KIULONG THSÜRÜ 14:16

Jeroboam neak dünkheaknü apinü Israel bahyukbah, küpü apinü neak yihbeak tüsho apinü Israel neak yihbeakshih.”

1 KIULONG THSÜRÜ 14:9

tüshe nünü nü müngüh larü alala kheaknü alübe amülim rhimodo tüsho nü thsungkheaknü püpü thrünpuhbo tüsho sangthsübo I bukakhiukshihde thsü, tüsho nü dunglim I nima bahdo;

2 KIULONG THSÜRÜ 21:11

“Tümütüsho Juda kiulongthsüpuh Manasenü harü athraneanbebo yihbeak, api müngüh larü Amorrü kheaknü alü amütsü rhimodo, tüsho Juda she api sangthsübo lung neak yihbeakshih;

2 KIULONG THSÜRÜ 9:22

Küyimki Joramnü Jehu ngükhea, apinü tha, “Jehu, ha mungtsü a shi?” Apinü alo, “Nü be Jezebelnü thümükhi tüsho sangthsü kingaünkhi khiungde tümü mungtsü lapü?”

2 KIUTHSÜYUKHEAN 21:10

Jumonü khihni khiungde Edomnü Juda yakzan shuhkhi kheak azhihde arü. Ju kim ching Libnanü she api yakzan shuhkhi kheak azhih, tümütüsho Jehoramnü jipürü Thrünpuh, Atungpuh bahyuk.

2 KIUTHSÜYUKHEAN 21:13

tüshe Israel kiulongthsürübo limro ching tsah, tüsho Ahab yamkhünnü Israel müthülünde kamshihkhi nangde Juda tüsho Jirusalem ching larü müthülünde kamshih, tüsho nünü nü keoniorübo, nü buh yamkhün ching akheyukkhibo, nü kheaknü atsübe lakhibo laksah,

2 KIUTHSÜYUKHEAN 33:9

Manasenü Juda tüsho Jirusalem ching larü bemüchih, jumonü Atungpuhnü Israel mihtsürü müngüh, yankhitkhi trükshihbo kheaknü alü arünü amütsü rhimo.

MUNGSHIKHÜN 106:39

Hanangde arü nihbuh rhimobo hode arü müneanabah, tüsho arü nihbuh rhimobo hode müzammüram thsü.

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

ABEKHIT 34:16

Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 23:11

Anihbe niurü Oholibanü ha ngü, tütüshe anihbenü shih mürühkhi tüsho müzammüramkhi ching achi kheaknü alü athsümünim lakheah.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

LEVI 20:5

inü ju buh mihtsürü le api yamkhün kheak azhihbah; tüsho arü le arü yande Molek kheak müzammüramrü alala arü mihtsürü bolungnü khekhita bahbah.

HABAKKUK 2:15

“ Nüsa sherünü yamhingrü ki arü mümüshangyi khiungde arü bünkeang kheahpü thsüde keluh chingnü duhchonü are!”

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.