2 KIUTHSÜYUKHEAN 20:7 - AMÜSÜH HÜM CL Bible (BSI)

⁷ O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

2 KIUTHSÜYUKHEAN 20:7 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 20:8

Arü ha ching lakheah, tüsho ha ching nü mung thsungkheaknü amüsüh dangpung khülang thsüde tha,

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MUNGSHIKHÜN 80:8

Nünü Ijip chingnü kurungasoliu khülang lubah arü; nünü trükshihbo yankhit tüsho ju khim.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

JOHAN 11:11

Apinü harü tha, tüsho ju dunglim arü ki tha, “Isa müyamrü Lazar yapa lah, tüshe inü api yihmusupü thsüde ayübah.”

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

YUZÜNGTHALO 4:38

Nüsa khihni lakhi nangde nüsa bedarüpü tüsho yamrüplurüp jihpü thsüde wu-sühmüh ato lakhi trükbo nüsa müngühnü yanabah.

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 23:9

Tümüde ato tüsho sühmüh lakhi trükbo nüsa mikhuh chingnü Atungpuhnü yanyuka bahdo; tüsho nüsa thsungkheaknü khihni khiungde shenü she nüsa azhihde müzhipkhuk.

JIHUSUA 24:13

Nüsanü küyimkishe thulu müthsükhi tüsho kiuto müthrünkhi lo inü nüsa kilim jih tüsho nüsa ju ching lachoh; nüsanü amükhimkhibo kurungasolu tüsho oliv lu chingnü aso tsühchoh.”

JIHUSUA 24:3

Tüsho inü nüsa jipürü Abraham ju Euphra chingnü bekhitbahle Kanan lo alala behode yü, tüsho tsühsoniuso amükhebin jih. Inü api kilim Isak jih;