2 KIUTHSÜYUKHEAN 20:6 - AMÜSÜH HÜM CL Bible (BSI)

⁶ tüsho tha, “O Atungpuh , isa jipürü Thrünpuh, nü yinmi ching Thrünpuh yung de? Nünü trükshihbo yo kiulongthsübo alala kurungkheak yakzan mushuh de? Nü khah ching wu tüsho sühmüh lah, junangde shenü nü mazhihkhuk.

2 KIUTHSÜYUKHEAN 20:6 Iomraidhean Croise

1 KIULONG THSÜRÜ 8:23

Apinü tha, “O Atungpuh ; Israel Thrünpuh, nü yamlarübo arü mulong athrünkhinü nü müngüh tsahrü thsungkheak tangzüng zokhi tüsho düngyingde muzhokhi nü nangde achanglim yinmi ching tüsho abolim alomi kheak Thrünpuh sheshe müla,

1 KIULONG THSÜRÜ 8:30

Nü yamlarü tüsho nü mihtsürü Israelnü ha yam lim zhoshede tamkhüntamnüchoki sojang; O nü lapung yinmi chingnü sojang; sojang tüsho neak bahjang.

1 KIUTHSÜYUKHEAN 29:18

O Atungpuh isa jipürü Abraham, Isak tüsho Israel Thrünpuh, hadürü lümkhi tüsho mulongkhi nü mihtsürübo mulong ching zojang, tüsho arü mulong nü kilim peang zojang.

2 KIUTHSÜYUKHEAN 20:5

Jehoshaphatnü Atungpuh yam ching, khikzhakpung aso müngüh Juda tüsho Jirusalem mukhungkhi ching zhip,

2 KIUTHSÜYUKHEAN 25:8

Nüsanü yübah keochihpung ching mulong tode keochihchih she, Thrünpuhnü nüsa thiriri müngüh jipyuka bahbah, tümüde Thrünpuh kheak arungpü wu yungsho jipa bahpü lah.”

2 KIUTHSÜYUKHEAN 5:14

junangde amo lamonü amükeamrübonü tankihpü müzhipkhuk; tümüde Atungpuh müretahkhinü Thrünpuh yam mi.

2 KIUTHSÜYUKHEAN 6:14

Apinü tha, “O Atungpuh , Israel Thrünpuh, yinmi yungsho alomi ching nü nangde Thrünpuh she müla, mulong alalanü nü miki tsahrü nü yamlarübo kheak düküngde muzhokhi ching tangzüng zochoh–

JOB HU H T ANYU 9:4

Api lümlung süklah, tüsho sühmüh tolah. Shepünü Api azhihkhukde, tüsho akuk ngüde?

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 47:8

Thrünpuhnü trükshihbo kurungkheak kiulongthsüchoh; Thrünpuhnü api amüsüh kiulongthsü-binkiu kheak binchoh.

MUNGSHIKHÜN 54:1

O Thrünpuh, nü wunü I khümkhitang; nü sühmühnü I zuzu kamshang!

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ISAIA 14:27

Tümüde Wuto Atungpuhnü lümkhi thsüdo, tüsho shenü ju zhipdokhukpü? Api khah chungkih-a lah, tüsho shenü ju tukloshihba?

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

YUNIRÜBO RHIMO 11:17

Jumonü isanü Atungpuh Jisu Khrista kinchoki isa kilim jihkhi thsambah Thrünpuhnü arü kilim jih-a lasho, Thrünpuh yanlokhukpü thsüde I she lakhea?”

ROMRÜ KILIM PAULNÜ ATHRÜTKHI KIHÜM HUHTANYU 9:19

Tüshe nüsanü I ki thabah, “Tümüde apinü arükchih yimkhitcho? Shepünü api lümkhi reanglokhukla?”

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

JIHUSUA 2:11

Ju soakede isa khide tre, nüsa dünkheaknü isa mulong tokhi alala dükheakabahdo. Atungpuh nüsa Thrünpuh ju akube yinmi ching tüsho ha lomi kheak Thrünpuh ah.