2 KIUTHSÜYUKHEAN 20:26 - AMÜSÜH HÜM CL Bible (BSI)

²⁶ Nimung phüyi nipü arünü Beraka jindükhün ching mukhung, tümüde ju ching arünü Atungpuh shijih; jumonü ju dangpung ki khihni khiungde Beraka jindükhün de ajikheah.

2 KIUTHSÜYUKHEAN 20:26 Iomraidhean Croise

THRÜNTAN 28:19

Tüsho apinü ju dangpung mung Bethel de ji; tüshe ju kiuto mung akhuhlim Luz lakheah.

THRÜNTAN 32:20

tüsho thaang, ‘Kheahang, nü yamlarü Jakob isa dunglim lah.’” Tümüde apinü lüm, “I müngüh yükhi thsambahnü inü api ki mungtsü thsübah, tüsho ju dunglim inü api miro shorubah; khükia apinü I leangkhibah.”

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

1 KIUTHSÜYUKHEAN 12:3

Akubeatobuh ju Ahiezer, ju khin Joash, ane chido Gibearü Shemaa tsührü; kheaküshe Azmaveth tsührübo Jeziel tüsho Pelet; Beraka, Anathothrü Jehu.

2 KIUTHSÜYUKHEAN 20:25

Küyimki Jehoshaphat tüsho api mihtsürübo arü kheaknü ayankhikhi kukruk lupü arükhea, arünü akam-shiwüh ahihdo, kukrukbo, khimmih tüsho shoto kukrukbo ngü, ju arünü mühankhukpü thsüde mükamyi khiungde arü thsungkheaknü lu; arünü ayankhikhi-kukruk lukhi ching, khide ahihdakkhi hode nimung mahsam bah.

2 KIUTHSÜYUKHEAN 20:27

Jushu Judarü tüsho Jirusalem mihtsürü alala Jehoshaphatnü akuthsübah Jirusalem lim asühde alode yü, tümüde Atungpuhnü arübo arü riri kurungkheak asühachihshih.

2 KIUTHSÜYUKHEAN 5:9

Akhrihbe sangbo khide ashangmonü amünkheambo ju alungbe arüngakopung mikhuh amüsüh dangpung chingnü ngü; tüshe wungdo chingnü jurü müngü; jurübo khihni khiungde lah.

ABEKHIT 17:15

Tüsho Mosanü kingaün sadam khülang thsübah amung ji, Atungpuh ju I yo riphin.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

YUNIRÜBO RHIMO 1:19

Tüsho ju Jirusalem ching larü alalanü mükheahde kam; jumonü arü yutha chingnü ju lu ki Akeldama de ji, amütsan “Thiyih Lu.”)

1 SAMUEL 7:12

Judüki Samuelnü lung khülang lubah Mizpa tüsho Shen dükeak khim, tüsho ju Ebenezer de ji; tümüde apinü tha, “ Ha khiungde Atungpuhnü isa rungdo.”