2 KIUTHSÜYUKHEAN 20:25 - AMÜSÜH HÜM CL Bible (BSI)

²⁵ Küyimki Jehoshaphat tüsho api mihtsürübo arü kheaknü ayankhikhi kukruk lupü arükhea, arünü akam-shiwüh ahihdo, kukrukbo, khimmih tüsho shoto kukrukbo ngü, ju arünü mühankhukpü thsüde mükamyi khiungde arü thsungkheaknü lu; arünü ayankhikhi-kukruk lukhi ching, khide ahihdakkhi hode nimung mahsam bah.

2 KIUTHSÜYUKHEAN 20:25 Iomraidhean Croise

2 KIUTHSÜYUKHEAN 20:24

Küyimki Judarü sunglo ching chinzhinpung arükhea, arünü boto kilim peang kheah; alo kheak ashemibo yapde alakheah; she lang she mutsokhit.

2 KIUTHSÜYUKHEAN 20:26

Nimung phüyi nipü arünü Beraka jindükhün ching mukhung, tümüde ju ching arünü Atungpuh shijih; jumonü ju dangpung ki khihni khiungde Beraka jindükhün de ajikheah.

MUNGSHIKHÜN 68:12

“ Kiulongthsürübo le bonungrübo alihde tsochoh, tüsho aliberübo thüyam ching aninga larünü ayankhikhi kukruk chamchoh.

ABEKHIT 3:22

Aliberü abannü nihbe yamhingrü Ijipberübo ki tüsho Ijipberü khürü anihbe yam ching larü lasho arübo ki khimmih, suna, shotoyinchi tüsho shotolungbo kheanga lubah tüsho Israelrübonü jurübo arü tsührü athrürü le aliberü kheak phungyukjihbah; junangde nüsanü Ijiprü lakhit hanbah ayübah.”

MÜCHITMUDU 3:15

Anihbe ju mürezhingzhing kheaknü alü shoto tüsho nünü amürühkhi tümünü she anihbe makekhuk.

ZEKARIA 14:14

Judanü she Jirusalem bede keochihbah. Tüsho mühirü trükshih alala lakhit hanmukhungbah–suna, shotoyinchi, tüsho khimmihbo suhdahde alabah.

WÜHKHE 31:15

Tüshe Mosanü arü ki tha, “Nüsanü azoberü alala rhangdung lashihla de?

WÜHKHE 31:53

Keochih ching berü abannü nihbuh thsungkheak ayankhikhi kukrukbo lu.

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

JIHUSUA 11:14

Israelrübonü shoto kukruk tüsho shiwühbo nihbuh thsungkheaknü ju kiutobo chingnü lu; tüshe arünü mihtsürübo a alala shekhamshih.