2 KIUTHSÜYUKHEAN 20:20 - AMÜSÜH HÜM CL Bible (BSI)

²⁰ Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

2 KIUTHSÜYUKHEAN 20:20 Iomraidhean Croise

2 SAMUEL 14:2

Joabnü Tekoa lim yüshih tüsho ju chingnü lümlung larü aliberü khülang bebah arü. Apinü alibe ki tha, “Atüzhorü khülang ruk rük thsüang; atüzhokhi khimmihbo yukang, nü kheak müdangke dümuju, tüshe mihshekhi dünkheak nimung ashang tüzhokhi aliberü khülang nangde yakli huhang.

1 KIUTHSÜYUKHEAN 4:5

Tekoa abuh Ashhur niube 2 lakheah, Hela tüsho Naara;

2 KIUTHSÜYUKHEAN 11:6

Apinü athsükhibo ju Bethlehem, Etam, Tekoa,

2 KIUTHSÜYUKHEAN 20:19

Tüsho Levirü, Kohathrü le Korarünü düsheak khide achangnü Atungpuh , Israel Thrünpuh shipü zhip.

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

ABEKHIT 14:31

Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

DANIEL 6:23

Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

LUKNÜ ATHRÜTKHI THIYUSHEAK-ATSÜ HUHTANYU 16:31

Tüshe apinü anihbuh ki tha, ‘Arünü Mosa tüsho wukihrübo yu manisho, ashekhi chingnü khürü arhang kamlolo she arünü mükinde alabah.’ ”

JOHAN 11:40

Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?”

JOHAN 13:20

Atsütsü inü nüsa ki thachoh, shepünü inü athiyikhi leangkhichonü I leangkhichoh; tüsho shepünü I leangkhichonü I thiyibuh leangkhichoh.”

JOHAN 14:1

“Nüsa mulong düthsümünim, nüsanü Thrünpuh kheak kinang, tüsho I kheak she kinang.

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

IBRI 11:6

Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.