2 KIUTHSÜYUKHEAN 20:17 - AMÜSÜH HÜM CL Bible (BSI)

¹⁷ Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

2 KIUTHSÜYUKHEAN 20:17 Iomraidhean Croise

1 KIULONG THSÜRÜ 20:13

Judüki wukihrü khürü Israel kiulongthsüpuh Ahab kilim atu tüsho tha, “Atungpuhnü ha thachoh, Ha boto ato alala nünü ngüdü de? Kheahang, khihni inü nü khah ching jihbah; tüsho I Atungpuh de nünü amükheahbah.”

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 20:16

Shido arü azhihde yükiang; arübo Ziz hode atubah; nüsanü arübo Jeruel sunglo müngüh, jindükhün akheam ching ngübah.

2 KIUTHSÜYUKHEAN 32:7

“Reangzahang tüsho mulong toang. Asiria kiulongthsüpuh tüsho api lung bekhi boto miki dütre yungsho mulong dünini; tümüde api lung lakhi kheaknü atobe isa lung lah.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

ABEKHIT 14:25

Tüsho apinü arü khora-lolungbe jingbo wukhiukshih, junangde arünü abepü küpkhukde kam; tüsho Ijiprünü tha, “Israel mikinü isa tsoanü, tümüde Atungpuhnü Ijiprü azhihde arü thsungkheak keochihjihchoh.”

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 37:6

Isaia nü arü ki tha, “ Nüsa putungrü ki thaang, Atungpuhnü ha thachoh: Nünü asokhi Asiria kiulongthsüpuh yamlarübonü I luhmünekhi yubo dünkheaknü tre.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

TÜZHOKHI 3:26

Khürünü Atungpuh akhümkhit thsungkheak zhikde aleangkhi ju tsülah.

AMOS 5:14

Amütsü yungde atsü yimang, junangde nüsa alabah; tüsho junangde nüsanü athakhi nangde Atungpuh , Wuto Thrünpuh nüsa lung labah.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

YUZÜNGTHALO 3:22

Arü dütre; tümüde Atungpuh nüsa Thrünpuhnü aküdah thsüde nüsa thsung thsüde keochihchoh.

2 TIMOTHI 4:22

Atungpuh nü me lung lashang. Nü lung amüthsüm laang.

MAHKHAPRÜ 7:21

Mihtsürü abannü binkheampung alala mükamde nihbuh dangpung ching zhipchoki, Midiarü alala khungde alihde tso.

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”