2 KIUTHSÜYUKHEAN 20:12 - AMÜSÜH HÜM CL Bible (BSI)

¹² O isa Thrünpuh, nünü arü kheak mahmükhapba de? Tümüde ha bonungrü boto isa azhihde arükhi kheak isa wu-sühmüh müla. Tümü thsübanü isanü mümükheah, tüshe isa mükbo nü kheak lah.”

2 KIUTHSÜYUKHEAN 20:12 Iomraidhean Croise

2 SAMUEL 14:11

Jushu alibenü tha, “Muzhobah, kiulongthsüpuhnü Atungpuh nü Thrünpuh mulong ching zoang, junangde royimrübonü mülaksahlo, tüsho I tsührü müthsümünimde alabah.” Apinü tha, “Atungpuh lale, nü tsührü kuyü khülang she alo kheak mayokhi.”

1 KIULONG THSÜRÜ 1:20

Tüshe nü, I tungpuh kiulongthsüpuh dunglim kiulongthsü-binkiu kheak shepü binpü arü ki thabanü Israel alala mükji nü kheak lah.

2 KIULONG THSÜRÜ 6:15

Küyimki Thrünpuh mihtsürü yapsu mükikde asürübah awukhiukkhea, khorabo tüsho khora-lolungbe bebah bonungrübonü kiuto alala zündoa lakheah. Api yamlabuhnü tha, “Aha, aputungpuh! Isa küde athsüba?”

2 KIUTHSÜYUKHEAN 20:13

Judüki Judarü alalanü arü khungarübo, arü niuberübo, tüsho arü tsührübo bebah Atungpuh miki zhip.

MUNGSHIKHÜN 141:8

Tüshe I mükbo nü kheak lah, O Atungpuh T HRÜNPU H ; nü kheak I tsoyukchoh; I düsheshih.

MUNGSHIKHÜN 25:15

I mükbo lünnü Atungpuh kilim lah, tümüde apinü keang chingnü I jing yihkhitbah.

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MUNGSHIKHÜN 7:6

O Atungpuh , nü bukakhiukkhi ching asürang, I riribo bukmüshakkhi azhihde nü jukmusuang; asürang, O I Thrünpuh; nünü mahkhap khülang thsakhamlah.

MUNGSHIKHÜN 7:8

Atungpuhnü mihtsürü mahkhapchoh; O Atungpuh , I thiyuro-lungki tüsho I kheak lakhi thiyuro yande I mahkhapang.

MUNGSHIKHÜN 9:19

Asürang, O Atungpuh , mihtsürünü nü dükukshih; trükshihbo nü miki mahkhapang!

MUNGSHIKHÜN 94:2

Asürang, O alomi mahkhapang; kükheangküyangrü thsümüchiang.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 42:4

Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

JOEL 3:12

Trükshihbonü asürüshang, tüsho Jehoshaphat Jindükhün ching atushang; tümüde ju ching inü mühirü trükshih alala mahkhapbah.

JONA 2:4

Judüki inü tha, ‘ I nü mikinü limshude tsoshihdo, küde thsah inü nü amüsüh arüngyam kheak kheahloba?’

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

MAHKHAPRÜ 11:27

Jumonü inü nü azhihde neak müyihbeak, tüshe I bede keochihkhinü nünü I amülim kamshih. Atungpuh , mahkhapbuhnü Israelrü tüsho Amon mihtsürü dükeak khihni mahkhapshang.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 3:13

Tümüde apinü amükheahkhi neak dünkheak inü api yamkhün lünnü athsümüchibah de thado, tümütüsho atsührübonü Thrünpuh ki amülim yu tha, tüsho apinü arü müyankhi.