2 KIUTHSÜYUKHEAN 2:6 - AMÜSÜH HÜM CL Bible (BSI)

⁶ Tüshe shepünü api kilim thüyam khülang thsükhukba, tümüde yinmi, achangbe yinminü she api mülüngüm? Api miki kingaünpü dangpung kheak hode, api arüngyam khülang thsüpü I she a?

2 KIUTHSÜYUKHEAN 2:6 Iomraidhean Croise

2 SAMUEL 7:18

Judüki kiulongthsüpuh Davidnü yüzah tüsho Atungpuh miki binbah tha, “O Atungpuh T HRÜNPU H , I shepü a, I yamkhün tümü lakhinü I ha khiungde bedarükhea?

1 KIULONG THSÜRÜ 7:13

Kheakü Solomon kiulongthsüpuhnü Huram ju Tair chingnü bebah arü.

1 KIULONG THSÜRÜ 7:14

Api ju Naphtali trük khimoberü tsührü, abuh ju Tair mihtsürü, api ju müwayinchi rhimosorü lakheah; api rükri, lümzülümdo, tüsho müwayinchi rhimopü ching mükheahmudunü mide alakheah. Api kiulongthsüpuh Solomon kilim arü, tüsho anihbuh rhimo alala rhimo.

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

1 KIUTHSÜYUKHEAN 22:15

Nü lung rhimorü suhdahde lah: lungkheanrü, lungzünrü, sangrhimosorü, tüsho mükhekhamkhi mungji alala kizükidorü, rhimopü ching athsüso

1 KIUTHSÜYUKHEAN 29:14

“Tüshe isanü ha akeangnü jihchungkhukkhi ha I tüsho I mihtsürübo she a? Tümüde kukruk alala nü kilimnü arüchoh, tüsho nü yo isanü nü jihdo.

2 KIUTHSÜYUKHEAN 1:10

Kheakü ha mihtsürübo limbepü I kilim lümlung tüsho mükheahmudu jihang, tümüde ha nü mihtsürü ato shenü yakzan shuhkhukpü?”

2 KIUTHSÜYUKHEAN 6:18

“Tüshe atsütsü Thrünpuhnü mihtsürübo lung alomi kheak lapü? Yinmibo, achangbe yinmibonü she nü mazüh, inü athsükhi thüyam ha küdükhüh she ninila!

ABEKHIT 3:11

Tüshe Mosanü Thrünpuh ki tha, “Pharao kilim I yüpü tüsho Ijip chingnü Israelrübo bekhitpü I she a?”

ABEKHIT 31:5

mürelung kiurüppü tüsho thsüa zhipshihpü, sang sümzüsümdopü, tüsho thsüsonungnü alala.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

2 KORINT 2:16

Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla?

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 12:14

tüshe Atungpuhnü nüsa trük bolungnü amokhitkhi dangpung ching, nüsanü taka kingaünang, tüsho ju ching nüsanü inü thiyukhüm jihkhi alala rhimobeah.

YUZÜNGTHALO 12:26

Nü yo amüsüh kukrukbo, tüsho thiyuchihchimkhi kingaünbo nünü lubah Atungpuhnü amokhitkhi dangpung ching yüang.