2 KIUTHSÜYUKHEAN 2:4 - AMÜSÜH HÜM CL Bible (BSI)

⁴ Inü kheakü Atungpuh I Thrünpuh mung thsungkheak thüyam khülang thsüpü lah tüsho api miki rhümthüneabe jihpü, kim aban ahuhbe yikhap zojihpü, tüsho khinu aso amunimungbo le Israel thsungkheak amüsüh-tsangkhit akhukhitkhi Atungpuh isa Thrünpuh thüniobo ching yapsu tüsho are taka kingaünbo thsungkheak api ki müsühkhitbah.

2 KIUTHSÜYUKHEAN 2:4 Iomraidhean Croise

1 KIULONG THSÜRÜ 5:5

Jumonü Atungpuhnü I buh David ki ha ruk thakhi nangde Atungpuh I Thrünpuh mung thsungkheaknü inü thüyam khülang thsüpü lümlah, ‘Nü tsührü, shepü nü müthri nü kiulongthsü-binkiu kheak inü abinshihbanü, apinü I mung thsungkheaknü thüyam khülang thsübah.’

1 KIULONG THSÜRÜ 8:18

Tüshe Atungpuhnü I buh David ki tha, ‘I mung thsungkheak thüyam khülang thsüpü lümkhi nünü tsüde rhimodo;

1 KIULONG THSÜRÜ 8:63

Solomonnü moshipung 22,000 tüsho namfimihnu 120,000 Atungpuh kilim laksah-a mungtsü kingaün jih. Jumonü kiulongthsüpuh tüsho Israel mihtsürü alalanü Atungpuh yam müsükhit.

1 KIUTHSÜYUKHEAN 22:5

Kheakü Davidnü tha, “I tsührü Solomon azürü ah tüsho mürhimoakheah, tüsho Atungpuh thsungkheak thsüpü thüyam ju khide atsüdakbe, athukhi tüsho lomi alala ching müretahkhi labeah; inü ju thsungkheak tsanglungbah.” Jumonü Davidnü api müsheyide kukrukbo hihdakde tsanglunga zojih.

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

2 KIUTHSÜYUKHEAN 2:1

Solomonnü Atungpuh mung thsungkheak arüngyam khülang thsüpü tüsho anihbuh thsungkheak kiulongthsürü-yam khülang thsüpü pungkhi.

NEHEMIA 10:33

Arüngyam kingaün thsungkheak isanü harü alokhi: dükhüm kheak yikhap zopü, nimung aban hi jihchungpü, nimung aban shiwüh taka kingaünpü, Amuni amüsüh kingaünpü, khinu aso niobo, püpü niobo, püpü amüsüh kingaün, Israelrü münean dünthsükhipü kingaün, tüsho arüngyam thsungkheak yihnüpü püpübo.

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

MUNGSHIKHÜN 96:4

Tümüde Atungpuh ju ato tüsho tode ashijihpü lah; api ju thrünpuhbo alala kurungkheak trepü lah.

ABEKHIT 25:30

Tüsho nüsanü kamruhroro I miki dükhüm kheak amüsüh yikhap zoang.

ABEKHIT 30:7

Aronnü yapsu aban tsünpung kümpü arüchoki kingaün sadam kheak jinjinlak takbeah.

MÜCHITMUDU 7:20

api lung sho qiuqiu lulah, tüsho amu-khip mahne khiungdüa malung.”