2 KIUTHSÜYUKHEAN 19:7 - AMÜSÜH HÜM CL Bible (BSI)

⁷ Kheakü Atungpuh trekhi nüsa kheak lashang; nüsanü tümü rhimochonü kümkangang, tümüde Atungpuh isa Thrünpuh kheak thiyuro azhihkhi yungsho jakkheahkhi, yungsho buknimbo lukhi müla.”

2 KIUTHSÜYUKHEAN 19:7 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

2 SAMUEL 23:3

Israel Thrünpuhnü asukdo, Israel Lungtonü I ki thado: Shepünü mihtsürü kurungkheak thiyuronü yakzan shuhchonü, Thrünpuh wüntrekhi chingnü yakzan shuhchonü,

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

JOB HU H T ANYU 13:10

Nüsanü ramde jakkheahkhi huhsho, tsükjide apinü nüsa thürühbah.

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

JOB HU H T ANYU 8:3

Thrünpuhnü thiyuro ahorimüchihcho de? Yungsho Wutonü alungki ahorimüchihcho de?

MUNGSHIKHÜN 82:2

Nüsanü külokhüh thiyuro mülade mahkhapba, tüsho mihbukmuyuk ki jakkheahba?

ABEKHIT 23:8

Tüsho nünü buknim dülu, tümüde buknimnü mütsankhitpü mük tukshihchoh tüsho thiyuro yubo bephülapchoh.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

YUNIRÜBO RHIMO 10:34

Peternü api mün khimshuh tüsho tha: “Tsükjide Thrünpuhnü jakmükheah de inü mütsanlah,

ROMRÜ KILIM PAULNÜ ATHRÜTKHI KIHÜM HUHTANYU 2:11

Tümüde Thrünpuhnü jakkheahkhi muhuhchoh.

ROMRÜ KILIM PAULNÜ ATHRÜTKHI KIHÜM HUHTANYU 9:14

Dale tüsho isanü tümü thaba? Thrünpuh kilim jakkheahkhi la shi? Jude yung!

GALATIA 2:6

Sherü adungto nangde lanü, arü küruk küruk lalashe I kheaknü tümü büthsüde müla; Thrünpuhnü aleanglim kheahde mahmükhapchoh–jurü mihtsürübonü I athsunganah aso tümü she müjih.

EFISIA 6:9

Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

KOLOSI 3:25

Tümüde amülim rhimorü ki, apinü amülim rhimokhi dün jihlobah, tüsho jakkheahkhi müla.

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

1 SAMUEL 11:7

Apinü moshipung mahne lubah khapthünak tüsho Israel lomi alala ching yunithsürü kheaknü arü kilim mühahde tha, “Shepünü Saul tüsho Samuel dunglim müyanbanü, api moshipung kheak ha ruk rhimobah!” Judüki Atungpuh trekhi mihtsürübo kheak akih, tüsho arü rukhüh thsübah akhiuk.