2 KIUTHSÜYUKHEAN 19:3 - AMÜSÜH HÜM CL Bible (BSI)

³ Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 19:3 Iomraidhean Croise

1 KIULONG THSÜRÜ 14:13

Israel alalanü api thsungkheak tüzhobah tüsho api kiuyuka bahbah; tümüde api lang Jeroboam yamkhün chingnü mibahpung arübah, tümütüsho Jeroboam yamkhün ching, api kheak Israel Thrünpuh, Atungpuh asühshihbe tümükhüh lah.

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 12:12

Tümütüsho apinü azhihayihde akammonü Atungpuh bukakhiukkhi api kheaknü rholo, junangde arü shahde müthsümünim; kheaküshe, Juda ching lalimlako tsüde alakheah.

2 KIUTHSÜYUKHEAN 12:14

Apinü amütsübe rhimo, tümüde apinü Atungpuh yimpü mulong müjih.

2 KIUTHSÜYUKHEAN 15:12

Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

2 KIUTHSÜYUKHEAN 20:33

Achang dangpungbo yihkhita mübah; mihtsürübonü arü jipürü Thrünpuh kheak arü mulong müjihyide alakheah.

2 KIUTHSÜYUKHEAN 22:9

Apinü Ahazia yim; Samaria ching jikde alachoki arünü api ram tüsho Jehu kilim bede arü, tüsho laksah. Arünü api kiuyukabah, tümüde arünü tha, “Api Jehoshaphat tsührü-tsührü ah, apinü api mulong athrünkhinü Atungpuh yim.” Tüsho Ahazia yamkhün ching kiulongthsü yakzan shuhkhukpü thsüde she mülade alakheah.

2 KIUTHSÜYUKHEAN 27:6

Jumonü Jotham sühmüh zahde kam tümütüsho apinü Atungpuh anihbuh Thrünpuh miki thiyuronü tsah.

2 KIUTHSÜYUKHEAN 30:19

Arüngyam müsühkhitpü yuzüng yande yungyung she sherünü Atungpuh arü jipürü Thrünpuh kheak arü mulong zocho.”

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

MUNGSHIKHÜN 57:7

I mulong düküngde lah, O Thrünpuh, I mulong düküngde lah; inü khün thsübah tüsho mungshi jihbah.

ROMRÜ KILIM PAULNÜ ATHRÜTKHI KIHÜM HUHTANYU 7:18

I kheak, I mih ching atsü tümü müla de inü mükheahlah. Inü alim rhimopü lümchoh, tüshe ju mürhimokhuk.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”