2 KIUTHSÜYUKHEAN 19:2 - AMÜSÜH HÜM CL Bible (BSI)

² Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

2 KIUTHSÜYUKHEAN 19:2 Iomraidhean Croise

1 KIULONG THSÜRÜ 16:1

Hanani tsührü Jehu kilim Baasha azhihde Atungpuh yu arü,

1 KIULONG THSÜRÜ 16:12

Hanangde apinü wukihbuh Jehu hode, Baasha azhihde asukkhi, Atungpuh yu yande Zimrinü Baasha yamkhün alala laksahkham–

1 KIULONG THSÜRÜ 16:7

Kheaküshe apinü Atungpuh miki amütsü rhimokhi, Jeroboam yamkhün nangde alakhi tüsho apinü ayamkhün laksahkhi, api khahnü arhimokhi kheak api bukakhiukshihkhi hode Hanani tsührü wukihbuh Jehu hode Atungpuh yu Baasha tüsho api yamkhün azhihde arü.

1 KIULONG THSÜRÜ 21:25

(Judüki Ahabnü aniube Jezebelnü thsurangde Atungpuh miki amütsü rhimopü azangrü yinkhi nangde sheshe mülakheah.

1 KIULONG THSÜRÜ 22:44

Jehoshaphatnü Israel kiulongthsüpuh kheak she mungtsü thsü.

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

2 KIUTHSÜYUKHEAN 18:1

Kheakü Jehoshaphat lakhit ato tüsho akinashu lakheah; tüsho apinü Ahab kheak yihluachihde arihako.

2 KIUTHSÜYUKHEAN 18:28

Jumonü Israel kiulongthsüpuh tüsho Juda kiulongthsüpuh Jehoshaphat anenü Ramoth-gilead ching wutu.

2 KIUTHSÜYUKHEAN 18:3

Israel kiulongthsüpuh Ahabnü Juda kiulongthsüpuh Jehoshaphat ki tha, “Nü I lung Ramoth-gilead azhihde yünahnü?” Apinü anihbuh ki alo, “I nü lung lah, I mihtsürübo ju nü mihtsürübo ah. Isa nü lung thirithsü ching labah.”

2 KIUTHSÜYUKHEAN 18:7

Israel kiulongthsüpuhnü Jehoshaphat ki tha, “Isanü api hode Atungpuh ki keoakheahpü thsüde kheaküshe Imla tsührü Mikaia lah; tüshe inü api thraneanlah, tümüde apinü küyimkishe I dünkheak tümü she alube mümüchit tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIUTHSÜYUKHEAN 19:1

Juda kiulongthsüpuh Jehoshaphat Jirusalem ching anihbuh yam lim tsüdü lang alode arü.

2 KIUTHSÜYUKHEAN 19:10

küyimki kiutobo ching lakhi nü keoniorü kilimnü, thiyih bukkhi, yakzan yungsho thiyukhüm, yakzan thsükhi yungsho thiyuzüng dünkheak nü kilim mahkhappü lude arübanü, nüsanü arü ki thsangdangang, junangde arünü Atungpuh miki amülim müthsü tüsho nüsa le nüsa keoniorü kheak bukakhiukkhi marü. Rhimoang, tüsho nüsanü amülim müthsü.

2 KIUTHSÜYUKHEAN 20:34

Kheakü aningkhi Jehoshaphat rhimobo, atankihnü akheam khiungde, Israel kiulongthsürübo hüm ching thrütyuka lakhi, Hanani tsührü Jehu yukheanbo ching thrüta lah.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

2 KIUTHSÜYUKHEAN 26:18

arünü kiulongthsüpuh Uzzia azhihde zhip, tüsho api ki tha, “Uzzia, Atungpuh kilim nünü kingaünpü yung, tüshe kingaün jihpü müsühkhitkhi Aron tsühsoniusobo amükeamrübo thsungkheak ah. Arüngakopung chingnü wukhiukang; tümüde nünü amülim rhimodo, tüsho Atungpuh Thrünpuh kilimnü nü kilim tümü akinashu lude marü.”

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

MUNGSHIKHÜN 15:4

shepü mük ki amütsü mihtsürü mükhemükimcho, tüsho apinü Atungpuh trerü wüntrecho; shepünü nihbuh yuride thiyuchihchimcho tüsho mümüthricho;

MUNGSHIKHÜN 21:8

Nü khahnü nü riri alala tholobah; nü khah tsülimnü nü thraneanrü ramlobah.

MUNGSHIKHÜN 68:1

Thrünpuh asürüshang, api riribo müzütshang; api thraneanrü alala api müngüh tsoshang.

MUNGSHIKHÜN 71:15

I münnü nü thiyuro-lungki tüsho nü akhümkhit nimung amuyung thabah, tümüde inü arü akhü thsükhi mümükheah.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

AMOS 7:14

Judüki Amosnü Amazia ki alo, “ I wukihrü yung, yungsho wukihrü tsührü khülang yung; tüshe I a namfimihnu neakrü khülang, tüsho khubasodungbo kümrü ah,

JOHAN 15:18

“Alominü nüsa thraneansho, nüsa müthraneanyide I thraneando de nüsanü mükheahang.

JOHAN 15:23

Shepünü I thraneanchonü I Buh she thraneanchoh.

ROMRÜ KILIM PAULNÜ ATHRÜTKHI KIHÜM HUHTANYU 1:18

Tümüde arü amütsü tüsho mihbukmuyuknü thiyuro zhipdokhi mihtsürü alala azhihde Thrünpuh bukakhiukkhi yinmi chingnü amikheak akhiuka lah,

ROMRÜ KILIM PAULNÜ ATHRÜTKHI KIHÜM HUHTANYU 1:30

dünthamungtha, Thrünpuh thraneanrü, mükmürüm, lungkhangkhi, kükheangkhi, amütsü rhimo, berübuhrü ki mihyumanikhi,

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

ROMRÜ KILIM PAULNÜ ATHRÜTKHI KIHÜM HUHTANYU 8:7

Tümüde shih kheak mulong zokhi ju Thrünpuh kilim thiriri; junü Thrünpuh yakzan ki mümükhümkhuk, yungsho junü müthsükhuk;

EFISIA 5:11

Amiting rhimobo ching shihcham dülu, tüshe jurü yinde kamshang.

YUZÜNGTHALO 32:41

Küyimki inü I nukshang zhingzhingde azükhitba, tüsho I khahnü mahkhapkhi kheak ramloba; inü I riri kheak royimbah tüsho I thraneanrü kheak athrihlobah.

YUZÜNGTHALO 33:11

O Atungpuh , api lakhibo müngühjang, tüsho api khahnü rhimokhibo leangkhijang; api azhihrü tüsho api thraneanrü müchero yihshakjang, junangde arü masürülo.” @SP ACE=

YUZÜNGTHALO 5:9

nünü arü ki dükhukning yungsho dütankih; tümüde I Atungpuh nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh,

YUZÜNGTHALO 7:10

tüshe api thraneanrü thsümüchipü apinü mudukiuhlo.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

1 SAMUEL 9:9

(Adüso Israel ching, khürünü Thrünpuh dünkheak keokhikeorapü yüsho hade tha, “ Arang, isanü angürü kilim yüanü”; tümüde shepü kheakü wukihrü de jichonü adüso a angürü de ji.)