2 KIUTHSÜYUKHEAN 18:9 - AMÜSÜH HÜM CL Bible (BSI)

⁹ Kheakü Israel kiulongthsüpuh le Juda kiulongthsüpuh Jehoshaphat ane shulünkhim phuyubah kiulongthsübinkiu kheak binde alakheah; tüsho ane Samaria ching yüzah limro ripit ki hinitpung kheak binde alakheah; tüsho wukihrü alalanü ane miki müchitde alakheah.

2 KIUTHSÜYUKHEAN 18:9 Iomraidhean Croise

2 KIUTHSÜYUKHEAN 18:10

Kenaana tsührü Zedekianü anihbuh thsungkheak yinchi juhbo thsü tüsho apinü tha, “Atungpuhnü ha thachoh: Arü müdükheakkhamyi khiungde harünü nünü Siriarü khubah.”

2 KIUTHSÜYUKHEAN 18:29

Israel kiulongthsüpuhnü Jehoshaphat ki tha, “Inü I jak müthribah tüsho keochih ching yübah, tüshe nü a nü yo shulünkhimbo phuyuang.” Jumonü Israel kiulongthsüpuh ajak müthri, tüsho arü keochih ching yü.

2 KIUTHSÜYUKHEAN 18:8

Judüki Israel kiulongthsüpuhnü atorü khülang ji tüsho tha, “Imla tsührü Mikaia nahde bedarang.”

ISAIA 14:9

“ Nü arüchoki shorupü abukkhüp lakhi Ashe-lomi rhumusua lah; nü shorupü mebo asürüchoh, sherübo alala alomi limberübo lakhea; trükshih kiulongthsürü mebo alala arü kiulongthsü-binkiu kheaknü asürüchoh.

EZEKIEL 26:16

Judüki keto yakzanshuhrübo alalanü arü kiulongthsü-binkiu chingnü akibah; arü shulünkhimbo tüsho arü yakkhokhi khimmihbo yihkhitbah. Arünü nihbuh zangrü ajankhinü khim thsübah alo kheak binbah; arünü kim aban ajanbah tüsho nü ki müyinsahbah.

DANIEL 7:9

Inü kheahde lachoki, kiulongthsübinkiubo adangpung ching zo tüsho lün labuhnü api binkiu kheak bin, api khimmih ju phürüm nangde müyedo la, tüsho api kuyü ju alamlam hing müthsün nangde; api binkiu ju mo trukhi lakheah, tüsho lolungbe-jingbo ju mo takkhi lakheah.

MATHI 11:8

Nüsa tümü kheahpü yükhea? Khimmih athünak yihkhi mihtsürü khülang a shi? Sherünü khimmih athünak yihchonü kiulongthsürü yambo ching lachoh.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 6:29

Tüshe Solomonnü she api mungthu alala ching harü bolung khülang nangdü she muphuyu de inü nüsa ki thachoh.

RUTH 4:1

Boaznü kiuto chipimurung ki yübahle bin. Tüsho buhtsührü shepü Boaznü athakheanü api arü, tüsho Boaznü tha, “ Müyambuh, ha kheak arübah binang.” Junangde apinü ju kheak rholodarübah bin.