2 KIUTHSÜYUKHEAN 18:7 - AMÜSÜH HÜM CL Bible (BSI)

⁷ Israel kiulongthsüpuhnü Jehoshaphat ki tha, “Isanü api hode Atungpuh ki keoakheahpü thsüde kheaküshe Imla tsührü Mikaia lah; tüshe inü api thraneanlah, tümüde apinü küyimkishe I dünkheak tümü she alube mümüchit tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIUTHSÜYUKHEAN 18:7 Iomraidhean Croise

1 KIULONG THSÜRÜ 18:17

Küyimki Ahabnü Elija ngükhea, Ahabnü api ki tha, “Israel küpkhuk jihrü ju nü a de?”

1 KIULONG THSÜRÜ 18:4

küyimki Jezebelnü A TUN GPU H wukihrübo laksahkhamkhea, Obadianü wukihrü chi khülang bea lubah arü thünim thünim lungkhün mahne ching jikshih, tüsho arü kilim yikhap tüsho ke jih.)

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIULONG THSÜRÜ 9:22

Küyimki Joramnü Jehu ngükhea, apinü tha, “Jehu, ha mungtsü a shi?” Apinü alo, “Nü be Jezebelnü thümükhi tüsho sangthsü kingaünkhi khiungde tümü mungtsü lapü?”

2 KIUTHSÜYUKHEAN 18:13

Tüshe Mikaianü tha, “Atungpuh lale, tümüpürü I Thrünpuhnü thacho, ju inü asukbah.”

2 KIUTHSÜYUKHEAN 18:6

Tüshe Jehoshaphatnü tha, “Isanü keoa kheahpü thsüde ha ching Atungpuh wukihrü püpü müla de?”

2 KIUTHSÜYUKHEAN 18:8

Judüki Israel kiulongthsüpuhnü atorü khülang ji tüsho tha, “Imla tsührü Mikaia nahde bedarang.”

MUNGSHIKHÜN 34:21

Amütsü-rhimonü mihbukmuyuk laksahbah; tüsho thiyuro-lungkirü thraneanrü bahyukbah.

MUNGSHIKHÜN 55:3

I ririnü alankhi dünkheaknü, mihbukmuyuknü junokhinü; tümüde arünü I kheak küpkhuk hande akih, tüsho bukakhiukkhi ching arünü I thraneanchoh.

MUNGSHIKHÜN 69:14

Akhimniuhniuh chingnü I bekhitang, tüsho I dükeamyukshih; I thraneanrü tüsho ke asükbo chingnü I bekhitang.

MÜCHITMUDU 25:12

Lümlung lakhi mihtsürünü athürühkhi ju anide alakhi nükhün ching suna nüpü yungsho suna atsüdak zülu nangde lah.

MÜCHITMUDU 29:10

Thiyih yungdanrünü amülim mülarü thraneanchoh, tüshe thiyurolungkirünü api tsüde alashihpü yimchoh.

MÜCHITMUDU 9:8

Luhmünerü düthürüh, jude yungsho apinü nü thraneanbah; lümlung larü mihtsürü thürühang, tüsho apinü nü muzhobah.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

AMOS 5:10

Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh.

MIKA 2:7

Ha athabea de, O Jakob yamkhün? Atungpuh arümkheamkhi kheama la de? Harübo api rhimobo a de? Lungkide atsahrü ki I yubonü atsü mürhimo de?

MARK 6:27

Tüsho nahdü lang kiulongthsüpuhnü api ku lude arüpü aheangrü thiyukhüm jih-a yüshih. Apinü yü tüsho rihyam chingnü aku lipshak,

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

GALATIA 4:16

Dale tüsho nüsa ki thiyuro thakhinü I nüsa riri kamdü de?