2 KIUTHSÜYUKHEAN 18:4 - AMÜSÜH HÜM CL Bible (BSI)

⁴ Tüshe Jehoshaphatnü she Israel kiulongthsüpuh ki tha, “Atungpuh yu thsungkheak akhuhde keoa kheahang.”

2 KIUTHSÜYUKHEAN 18:4 Iomraidhean Croise

2 SAMUEL 2:1

Ju dunglim Davidnü Atungpuh ki keokhi, “I Juda kiuto khürü ching wutuba shi?” Atungpuhnü api ki alo, “Wutuang.” Davidnü tha, “I küpü ching wutuba?” Apinü tha, “Hebron lim.”

2 SAMUEL 5:19

Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

2 SAMUEL 5:23

Küyimki Davidnü Atungpuh ki keokheanü, apinü tha, “Nü duwutu; arü dunglim mükamde yüang, tüsho balsam sang kinü arü tholoang.

2 KIUTHSÜYUKHEAN 18:3

Israel kiulongthsüpuh Ahabnü Juda kiulongthsüpuh Jehoshaphat ki tha, “Nü I lung Ramoth-gilead azhihde yünahnü?” Apinü anihbuh ki alo, “I nü lung lah, I mihtsürübo ju nü mihtsürübo ah. Isa nü lung thirithsü ching labah.”

2 KIUTHSÜYUKHEAN 18:5

Judüki Israel kiulongthsüpuhnü wukihrübo 400 bemukhung, tüsho arü ki tha, “Isa Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Thrünpuhnü ju kiulongthsüpuh khah ching jihbah.”

2 KIUTHSÜYUKHEAN 34:26

Tüshe Atungpuh ki keokhishihpü nüsa thiyibuh, Juda kiulongthsüpuh ki nüsanü ha thaang: Ha Atungpuh , Israel Thrünpuhnü thachoh: Nünü asokhi yubo dünkheak,

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

EZEKIEL 20:3

Mihtsürü tsührü, Israel azothsürü ki asukang tüsho arü ki thaang, Wuto Atungpuhnü thachoh: Nüsa I keokhikeorapü arükhea de? Tsükjide I lale, nüsa I mükeokhishih, Wuto Atungpuhnü thachoh.

1 SAMUEL 23:2

Davidnü Atungpuh ki keokhi, “Inü yübah harü Filistiarü yanba shi?” Atungpuhnü David ki tha, “Yübah Filistiarü yanang tüsho Keilah khümkhitang.”

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”