2 KIUTHSÜYUKHEAN 18:31 - AMÜSÜH HÜM CL Bible (BSI)

³¹ Küyimki khora-lolungbe wühkenorübonü Jehoshaphat ngükhea, arünü tha, “Ha Israel kiulongthsüpuh ah.” Jumonü arünü api bede keochihpü rholo; tüsho Jehoshaphatnü zhi, Atungpuhnü api rung. Thrünpuhnü arübo api kheaknü bede tso,

2 KIUTHSÜYUKHEAN 18:31 Iomraidhean Croise

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 13:14

Küyimki Judarünü rholokhea, thirithsü ju arü müngüh tüsho arü dunglim lakheah. Arünü Atungpuh ki zhi, tüsho amükeamrübonü hulipungpungbo müt.

2 KIUTHSÜYUKHEAN 13:15

Judüki Judarünü keochihpü aho. Tüsho küyimki Juda mihtsürübonü ahokhea, Thrünpuhnü Jeroboam tüsho Israel alala Abija tüsho Juda müngüh kukjih.

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 18:30

Kheakü Siria kiulongthsüpuhnü api yo khora-lolungbe wühkenorübo ki thiyukhüm jih, “Anini yungsho atoto she kheak dükeochih, tüshe Israel kiulongthsüpuh kheak lang.”

2 KIUTHSÜYUKHEAN 18:32

tümüde küyimki khora-lolungbe wühkenorübonü ju Israel kiulongthsüpuh yung de angükhea, arünü api müshamkhi chingnü tuklo.

2 KIUTHSÜYUKHEAN 26:7

Thrünpuhnü Filistiarü azhihde, Gur-baal ching lakhi Arabrü azhihde, tüsho Meunrü azhihde api rung.

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

NEHEMIA 1:11

O Atungpuh kheakü I tamkhüntamnü tüsho nü yamlarü püpürü sherünü nü ki wüntre jihnelanü arü tamkhüntamnü sojang. Khihni I kilim kukzam jihang, tüsho wuto kiulongthsüpuhnü I ki mihmüthsüm huhshang.” Tümüde I wuto kiulongthsüpuh pung adünararü lakheah.

MUNGSHIKHÜN 118:13

Nünü I alungpü thsüde lungchihde nim, tüshe Atungpuhnü I rung.

MUNGSHIKHÜN 34:7

Atungpuh wüntrerü api yunirünü aheangchoh tüsho arü bekhitchoh.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 56:10

apinü alokhikhi dünkheak inü ashijihkhi Atungpuh lah.

MUNGSHIKHÜN 94:17

Atungpuh I rungrü müthsükhülaa, nahde I me zhikde kama labah.

ABEKHIT 14:10

Küyimki Pharao phünide ayükhea, Israelrünü zünga kheah, tüsho Ijiprü arü dunglim müshamde alakheah. Jumonü arünü khide tre, tüsho Israelrünü Atungpuh ki zhi.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.