2 KIUTHSÜYUKHEAN 18:3 - AMÜSÜH HÜM CL Bible (BSI)

³ Israel kiulongthsüpuh Ahabnü Juda kiulongthsüpuh Jehoshaphat ki tha, “Nü I lung Ramoth-gilead azhihde yünahnü?” Apinü anihbuh ki alo, “I nü lung lah, I mihtsürübo ju nü mihtsürübo ah. Isa nü lung thirithsü ching labah.”

2 KIUTHSÜYUKHEAN 18:3 Iomraidhean Croise

1 KIULONG THSÜRÜ 22:4

Apinü Jehoshaphat ki tha, “Ramoth-gilead ching keochihpü nü I lung arünahnü?” Jehoshaphatnü Israel kiulongthsüpuh ki alo, “I a nü ruk ah; I mihtsürübo nü mihtsürü ah, I yo khorabo nü khora ah.”

1 KIULONG THSÜRÜ 4:13

Bengeber, Ramoth-gilead ching (api yo ju Gilead ching lakhi Manase tsührü Jair kiulongbo tüsho Bashan ching lakhi Argob lomi, chipi ayünkhi tüsho müwayinchi khrihbebo lakhi kiuto 60);

2 KIULONG THSÜRÜ 3:7

Api yü tüsho apinü Juda kiulongthsüpuh Jehoshaphat kilim thiyu yüshih, “Moab kiulongthsüpuhnü I azhihdo; Moab kheak thirithsüpü nü I lung arünahnü?” Apinü alo, “I arübah; I nü lung lah, I mihtsürü ju nü mihtsürü, I khorabo ju nü khorabo.”

2 KIUTHSÜYUKHEAN 18:2

Kam anükhüh dunglim api Samaria ching Ahab kilim yüki. Ahabnü namfimihnu tüsho moshipung suhdahde api le api lung bekhi mihtsürübo thsungkheak laksah, tüsho Ramoth-gilead azhihde awutupü api ki thaa huh.

2 KIUTHSÜYUKHEAN 18:4

Tüshe Jehoshaphatnü she Israel kiulongthsüpuh ki tha, “Atungpuh yu thsungkheak akhuhde keoa kheahang.”

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

MUNGSHIKHÜN 139:21

O Atungpuh , nü thraneanrü inü müthranean de? Tüsho nü azhihde wusurü inü mümukhiuk de?

EFISIA 5:11

Amiting rhimobo ching shihcham dülu, tüshe jurü yinde kamshang.