2 KIUTHSÜYUKHEAN 18:29 - AMÜSÜH HÜM CL Bible (BSI)

²⁹ Israel kiulongthsüpuhnü Jehoshaphat ki tha, “Inü I jak müthribah tüsho keochih ching yübah, tüshe nü a nü yo shulünkhimbo phuyuang.” Jumonü Israel kiulongthsüpuh ajak müthri, tüsho arü keochih ching yü.

2 KIUTHSÜYUKHEAN 18:29 Iomraidhean Croise

1 KIULONG THSÜRÜ 20:38

Judüki wukihbuhnü chamachih, tüsho ajak müthride amük kumung arümbenü rümdobah limro ching kiulongthsüpuh aleang.

2 KIUTHSÜYUKHEAN 18:28

Jumonü Israel kiulongthsüpuh tüsho Juda kiulongthsüpuh Jehoshaphat anenü Ramoth-gilead ching wutu.

2 KIUTHSÜYUKHEAN 18:30

Kheakü Siria kiulongthsüpuhnü api yo khora-lolungbe wühkenorübo ki thiyukhüm jih, “Anini yungsho atoto she kheak dükeochih, tüshe Israel kiulongthsüpuh kheak lang.”

JOB HU H T ANYU 24:15

Müzammüramrü müknü she shuhyini aleangde thachoh, “She müknü I müngü”; tüsho apinü amiro müthrichoh.

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MÜCHITMUDU 26:25

küyimki apinü muzhode asukbanü, api kheak akin düla, tümüde api mulong ching athraneanbe thüne lah;

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

1 SAMUEL 28:8

Jumonü Saulnü aphü müthriabahbah khimmih püpü yuk tüsho api lung mihtsürü mahne bebah ju ching yü. Arünü azhing ching alibe kilim arü. Tüsho apinü tha, “I thsungkheaknü me ki keoang, tüsho inü nü ki thakhi mung I thsungkheaknü bebah atung.”