2 KIUTHSÜYUKHEAN 18:26 - AMÜSÜH HÜM CL Bible (BSI)

²⁶ tüsho thaang, ‘ Kiulongthsüpuhnü ha thachoh: Ha buh ha rihyam ching yukang, tüsho I mungtsü ching malodarüchoki yikhap tüsho ke anüknük kipduhang.’”

2 KIUTHSÜYUKHEAN 18:26 Iomraidhean Croise

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 18:15

Tüshe kiulongthsüpuhnü api ki tha, “Tümü she yung tüshe Atungpuh mung chingnü thiyuro I ki thapü küdükhüh ki inü nü ki thiyuchihchimshihba?”

MUNGSHIKHÜN 10:5

Api limrobo kamruhroro akuk ngüchoh; nü mahkhapkhibo api mikinü changde lah; apinü anihbuh riribo alala mükhemürangchoh.

MUNGSHIKHÜN 102:9

Tümüde inü awahbo ju yikhap nangde tsühdo, tüsho I chikebo ayungbe lung düsahdo,

MUNGSHIKHÜN 80:5

Nünü isa mulong rozhak tsühshih, chike pung ato yungshih.

MÜCHITMUDU 14:16

Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

ISAIA 30:20

Atungpuhnü nüsa ki azhihlokhi yikhap yungsho thsünükhi ke jihjih she, nüsa thsangyurübonü kheaküa müjik, tüshe nüsa müknü nüsa thsangyurübo ngübah.

JEREMIA 36:26

Tüsho kiulongthsüpuhnü kiulongthsürü tsührü Jerameel, Azriel tsührü Seraia tüsho Abdeel tsührü Shelemia, athrütbuh Baruk tüsho wukihbuh Jeremia rampü thiyukhüm jih. Tüshe Atungpuhnü ane ramabah.

JEREMIA 37:15

Atorübonü Jeremia kheak bukakhiuk tüsho api lakbah athrütbuh Jonathan yam ching ramyuka zo, tümüde ju rihyam thsüa lakheah.

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”

YUNIRÜBO RHIMO 5:18

arünü amüsüh-thsangyurübo rambah boto rihyam ching zo.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

YUZÜNGTHALO 29:19

tüsho küyimki hadürü mihtsürünü ha muthrumüneankhi sobanü, apinü nihbuh mulong ching müngühmühide athabah, ‘Inü I mulongnü alümkhi ching tsah-a lalashe I mungtsü labah.’ Hanü nüsa atsü tüsho amütsü chido thsümünimbah.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.

1 SAMUEL 25:21

Kheakü Davidnü tha, “ Tsükjide inü harü mihtsürübo sunglo ching khümkhitbah, arü kukruk tümü müdükheakshihkhi akeangkeang thsüdo; tüshe apinü I kilim atsü müthri amütsü jihlodo.