2 KIUTHSÜYUKHEAN 18:21 - AMÜSÜH HÜM CL Bible (BSI)

²¹ Apinü alo, ‘Inü awukhiukbah tüsho api yo wukihrübo alala mün ching akeangyu me thsübah.’ Jushu Atungpuhnü tha, ‘Nünü api mülapyukbah, tüsho nünü akukbah; wukhiukang tüsho ju rhimoang.’

2 KIUTHSÜYUKHEAN 18:21 Iomraidhean Croise

2 KIUTHSÜYUKHEAN 18:19

Tüsho Atungpuhnü tha, ‘ Api wutubah Ramoth-gilead ching keampü thsüde shepünü Israel kiulongthsüpuh Ahab mülapyukba?’ Jushu khülangnü khülang tha, tüsho püpürünü püpü tha.

2 KIUTHSÜYUKHEAN 18:22

Jumonü nünü kheahang, Atungpuhnü akeangyu me harü nü yo wukihrübo mün ching yukjihdo; Atungpuhnü nü thsungkheak thsümütsü thiyukhüm jihdo.”

JOB HU H T ANYU 1:12

Atungpuhnü Arimri ki tha, “ Khide tsülah, api lakhi alala nü wu ching lah, api azhihde nü khah lang düjipkih!” Jumonü Arimrinü Atungpuh mikinü wukhiuk.

JOB HU H T ANYU 2:6

Atungpuhnü Arimri ki alo, “ Khide tsülah, api nü wu ching lah; api rhangdung lang lashang.”

MUNGSHIKHÜN 109:17

Apinü muthrumünean muzhokhi nangde, api kheak ju arüshang; apinü müngühmühi ching masühkhi nangde, api kheak ju limshushang.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 20:8

tüsho alomi thrip phüyi ching lakhi trükshihbo mülapyukpü, Gog tüsho Magog thirithsü bemukhungpü akhiukbah; arü khekhi ju keto loyi nangde lah.

MAHKHAPRÜ 9:23

Tüsho Thrünpuhnü Abimelek le Shekem mihtsürübo dükeak amütsü me khülang yüshih; tüsho Shekem mihtsürübonü Abimelek kheak mülapyukde rhimo;