2 KIUTHSÜYUKHEAN 18:13 - AMÜSÜH HÜM CL Bible (BSI)

¹³ Tüshe Mikaianü tha, “Atungpuh lale, tümüpürü I Thrünpuhnü thacho, ju inü asukbah.”

2 KIUTHSÜYUKHEAN 18:13 Iomraidhean Croise

1 KIULONG THSÜRÜ 22:14

Tüshe Mikaianü tha, “Atungpuh lale, tümüpürü Atungpuhnü I ki thachonü, inü athabah.”

2 KIUTHSÜYUKHEAN 18:12

Mikaia jipü yübuh yunithsürünü api ki tha, “ Kheahang, wukihrübo yu rukhühnü kiulongthsüpuh kilim alube thsüde lah; nü yu ju arü yubo nangde thsang, tüsho alübe thsüde asukang.”

2 KIUTHSÜYUKHEAN 18:14

Küyimki api kiulongthsüpuh ki arükhea, kiulongthsüpuhnü api ki tha, “Mikaia, isa Ramoth-gilead ching keochihpü yüba shi, dashi I müyüba?” Apinü alo, “Wutuang tüsho kukang; arübo nü khah ching jihbah.”

JEREMIA 23:28

Wukihrü shepünü milim mikheanü milim kheanshang, tüshe shepü I yu lanü thiyuronü I yu asukshang. Tümü rimneang ju wheat hi lung rukhüh la? Atungpuhnü thachoh.

JEREMIA 42:4

Wukihbuh Jeremianü arü ki tha, “ Khide tsülah: Nüsanü mushukhi nangde Atungpuh nüsa Thrünpuh ki inü tamkhüntamnübah, tüsho Atungpuhnü tümüpürü nüsa ki alobanü inü nüsa ki thabah; inü tümü she nüsa kheaknü müram.”

EZEKIEL 2:7

Arünü anini she yungsho manini she nünü arü ki I yubo asukbeah, tümüde arübo azhihrü ah.

WÜHKHE 22:35

Tüshe Atungpuh yunirünü Balaam ki tha, “ Mihtsürü bolung yüang, tüshe inü nü ki thakhi yu lang nünü athabah.” Jumonü Balaamnü yunithsürü lung yü.

WÜHKHE 23:12

Jumonü apinü alo, “Atungpuhnü I mün ching yukjihkhi yu thapü inü manibea de?”

WÜHKHE 23:26

Balaamnü alo, “Atungpuhnü athakhi lang inü arhimobah de nü ki inü mütha de?”

WÜHKHE 24:13

Balaknü api yam shotoyinchi tüsho sunanü mide jihjih she I lümkhi atsü yungsho amütsü thsüthsü inü Atungpuh kheak hode mujukhokhuk; tüshe Atungpuhnü tümü thabanü, inü ju thabeah?”

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

1 KORINT 11:23

Tümüde inü nüsa kilim jihkhi ju Atungpuh kilimnü leangkhi, junangde api yinatsühkhi tsüngre Atungpuh Jisunü yikhap lu,

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.