2 KIUTHSÜYUKHEAN 18:10 - AMÜSÜH HÜM CL Bible (BSI)

¹⁰ Kenaana tsührü Zedekianü anihbuh thsungkheak yinchi juhbo thsü tüsho apinü tha, “Atungpuhnü ha thachoh: Arü müdükheakkhamyi khiungde harünü nünü Siriarü khubah.”

2 KIUTHSÜYUKHEAN 18:10 Iomraidhean Croise

1 KIULONG THSÜRÜ 22:11

Kenaana tsührü Zedekianü anihbuh thsungkheak yinchi shihjuhbo thsü tüsho apinü tha, “Atungpuhnü ha thachoh: Siriarü müdükheakyi khiungde nünü harünü akhubah.”

2 KIUTHSÜYUKHEAN 18:11

Wukihrübo alalanü rukhüh lang müchit tüsho tha, “Ramoth-gilead ching wutuang tüsho kukang; Atungpuhnü ju kiulongthsüpuh khah ching jihbah.”

2 KIUTHSÜYUKHEAN 18:9

Kheakü Israel kiulongthsüpuh le Juda kiulongthsüpuh Jehoshaphat ane shulünkhim phuyubah kiulongthsübinkiu kheak binde alakheah; tüsho ane Samaria ching yüzah limro ripit ki hinitpung kheak binde alakheah; tüsho wukihrü alalanü ane miki müchitde alakheah.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 23:21

Inü wukihrübo müthiyi, tütüshe arünü alihdo; inü arü ki masuk, tütüshe arünü müchitdo.

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 23:31

Kheahang, inü wukihrübo azhihchoh, Atungpuhnü thachoh, sherünü nihbuh yunü thacho, “Atungpuhnü thachoh.”

JEREMIA 27:2

Atungpuhnü I ki ha tha: Shihküp-liu tüsho sang-sümkhibonü nü thsungkheak sangkaplak thsang, tüsho jurü nü hung kheak yihkihang.

JEREMIA 29:21

Wuto Atungpuh , Israel Thrünpuhnü I mung chingnü nüsa ki akeangyu müchitrü, Kolaia tsührü Ahab tüsho Maaseia tsührü Zedekia dünkheak ha thachoh: Inü arübo Babilon kiulongthsüpuh Nebukednezar khah ching jihpü thsüchoh, tüsho apinü arübo nüsa mük kinü alaksahbah.

EZEKIEL 13:7

Inü masuka lalashe, nüsanü, “Atungpuhnü thachoh” de athachoki arükchih michihbo tüsho akeangyu müchitkhibo nüsanü müngü de?

EZEKIEL 22:28

Wukihrübonü arü thsung thsüde amüyenü mujudo, arükchih michih ngüde tüsho arü thsungkheak Atungpuhnü müthakhi akeangyu müchitde thachoh, “Atungpuh Thrünpuhnü ha thachoh.”

2 TIMOTHI 3:8

Jannea tüsho Jambrea bünenü Mosa azhihkhi nangde lümkhi amütsü tüsho akin thsümünimkhi mihtsürübonü she thiyuro azhihchoh;