2 KIUTHSÜYUKHEAN 17:7 - AMÜSÜH HÜM CL Bible (BSI)

⁷ Api kiulongthsü kam asampü ching Juda kiutobo ching thsangyushihpü api torübo, Ben-hail, Obadia, Zekaria, Nethanel, tüsho Mikaia yüshih.

2 KIUTHSÜYUKHEAN 17:7 Iomraidhean Croise

2 KIUTHSÜYUKHEAN 15:3

Kim ashangkhüh Israel a thiyuro Thrünpuh mübede, thsangyurü amükeamrü mübede, tüsho yakzan mübede alakheah;

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

2 KIUTHSÜYUKHEAN 35:3

Apinü Israel alala thsangyurü tüsho Atungpuh kilim müsühde alarü Levirü ki tha, “Amüsüh sangdan ju Israel kiulongthsüpuh David tsührü Solomonnü athsükhi yam ching yuka zoang; kheaküa nüsa dubuh kheak hanpü yihnüpü müla. Kheakü Atungpuh nüsa Thrünpuh tüsho api mihtsürü Israel tankihang.

EZRA 7:25

“Nü Ezra, nü Thrünpuhnü ajihkhi lümlung yande, yakzanshuhrü tüsho mahkhaprübo sherünü Aniyüzahlim Euphrarü mihtsürü limbekhukbanü, nünü arü rhimo ching yüzahshang. Amükeamrü aban hoju yakzan nünü thsangyuang.

NEHEMIA 9:3

Kimkhü 3 bande arü ki Atungpuh arü Thrünpuh yakzan kheyuk, jushu kimkhü 3 arü neak alokhide Atungpuh arü Thrünpuh kingaün.

MUNGSHIKHÜN 34:11

Arang, I tsührübo, I ki aniang, inü nüsa ki Atungpuh wüntrepü thsangyubah.

MUNGSHIKHÜN 51:13

Judüki inü athsümünimrü ki nü limrobo thsangyubah. Tüsho aneakrübo nü kilim rholobah.

T H S AN GYU T H S AN GR ARÜ 1:12

I, Thsangyuthsangrarü, Israel kurungkheak Jirusalem ching kiulongthsürü lachoki,

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

LEVI 14:42

tüsho arünü lahkhita bahkhi lungbo müthri lung püpü handarünü ayukbah, tüsho amujube aso handarünü rhü ju amujudobah.

WÜHKHE 1:8

Issakar chingnü Zuar tsührü Nethanel,

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MARK 4:2

Judüki apinü shihdanglimyu chingnü ahihkhüh arü ki thsangyude tha:

YUNIRÜBO RHIMO 1:1

Amuzho Theophila: Inü akhuhbe hüm ching thrütkhi ju Jisunü arhimopü tüsho thsangyupü tankihkhi alala dünkheak,

YUZÜNGTHALO 33:10

Arünü Jakob ki nü yuzüngbo tüsho Israel ki nü yakzan thsangyubah; arünü nü miki arhümthüneabe yukbah, tüsho nü kingaün sadam kheak taka kingaünbah.

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.