2 KIUTHSÜYUKHEAN 17:5 - AMÜSÜH HÜM CL Bible (BSI)

⁵ Jumonü Atungpuhnü api khah ching kiulongthsü düküngde kamshih. Juda alalanü Jehoshaphat kilim thsambah hande arü, tüsho api lakhit ato tüsho akinashu lakheah.

2 KIUTHSÜYUKHEAN 17:5 Iomraidhean Croise

THRÜNTAN 13:2

Abram ju akam-shiwüh, shotoyinchi tüsho suna ching khide alarü lakheah.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

1 KIULONG THSÜRÜ 10:27

Kiulongthsüpuhnü api Jirusalem ching shotoyinchi ju lungbo nangde kamshih tüsho apinü cedarbo ju Shephela ching lakhi sangzhinasodung nangde hihdakde kamshih.

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

2 KIUTHSÜYUKHEAN 1:15

Kiulongthsüpuhnü shotoyinchi tüsho suna Jirusalem ching lung nangde bokhuh kamshih, tüsho apinü lokeamlo ching sangzhinasodung nangde cedar suhdahde kamshih.

2 KIUTHSÜYUKHEAN 18:1

Kheakü Jehoshaphat lakhit ato tüsho akinashu lakheah; tüsho apinü Ahab kheak yihluachihde arihako.

2 KIUTHSÜYUKHEAN 32:23

Ahihdonü Jirusalem ching Atungpuh kilim thsambahbo tüsho Juda kiulongthsüpuh Hezekia kilim shoto kukrukbo lude arü, junangde ju kimnü rünbah trükshih alala miki api shuhkih.

2 KIUTHSÜYUKHEAN 9:27

Kiulongthsüpuhnü Jirusalem ching shotoyinchi ju lungbo nangde bokhuh kamshih, tüsho cedar sang ju Shephela ching sangzhinasodung nangde bolode kamshih.

JOB HU H T ANYU 42:12

Atungpuhnü Job ahokhi nimungbo kheaknü alü thsüde ashube nimungbo müngühjih; tüsho api namfimihnu 14,000, kemel 6000, moshipung dudu 1000, tüsho donki 1000.

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 132:12

Nü tsührübonü I tangzüng tüsho inü arü ki thsangyupü lakhi I yakzan thsükhibo zosho, arü tsührübo she nü kiulongthsü-binkiu kheak lünnü abinbah.”

MUNGSHIKHÜN 68:29

Jirusalem ching nü arüngyam dünkheaknü, kiulongthsürübonü nü kilim thsambahbo handarübah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 76:11

Atungpuh nü Thrünpuh ki thiyuchihchimang tüsho jurü dünjishang; api mükamde alarünü atrepü thsüde api kilim thsambahbo lude arüshang.

MÜCHITMUDU 16:12

Kiulongthsürübonü mihbukmuyuk yihbeakkhi ju athraneanbe, tümüde kiulongthsü-binkiu ju thiyurolungkinü lashihchoh.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.