2 KIUTHSÜYUKHEAN 16:8 - AMÜSÜH HÜM CL Bible (BSI)

⁸ Sudan tüsho Libyarü bonungrü hihkhi lung khora-lolungbe tüsho khoraberü khide hihde alakhi yung de? Judüalalashe nünü Atungpuh kheak düthsün angümonü, apinü arübo nü khah ching jih.

2 KIUTHSÜYUKHEAN 16:8 Iomraidhean Croise

2 KIUTHSÜYUKHEAN 12:3

Khora-lolungbe 12,000, khoraberü 60,000 tüsho mükhekhamkhi Libyarü, Sukrü tüsho Ethiopiarü bonungrü Ijip chingnü api lung arü,

2 KIUTHSÜYUKHEAN 13:16

Israelrünü Juda müngüh tso, tüsho Thrünpuhnü arübo arü khah ching jih.

2 KIUTHSÜYUKHEAN 13:18

Hanangde ju kim ching Israelrü juyukabah, tüsho Juda mihtsürünü akuk ngü tümütüsho arünü Atungpuh , arü jipürü Thrünpuh kheak düthsün angü.

2 KIUTHSÜYUKHEAN 14:8

Asa lung atoto tsungbo tüsho thsühbo shuhrü bonungrü 300,000, tüsho tsungbo le sanglüh shuhrü Benjamin chingnü bonungrü 280,000 lakheah; harü alala athrungrü thirithsürübo lakheah.

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

2 KIUTHSÜYUKHEAN 24:24

Siria bonungrü nükde arürü she, Atungpuhnü arü khah ching bonungrü hihde jih, tümütüsho Judanü Atungpuh arü jipürü Thrünpuh bahyuk. Hanangde Joash kheak mahkhap.

ISAIA 18:2

limburü Nile chingnü, sangküp-sangkung ching kenü kheaknü arüshihchoh! Yüang, nüsa athrikhi yunithsürübo, ashang tüsho küp-shahshah trükshih kilim, aphüni tüsho limshu ching trede alakhi mihtsürü kilim, wu-sühmüh lakhi tüsho akuk ngükhi trükshih kilim, shepü lomi ayungbonü chamnakbah la.

NAHUM 3:9

Kush tüsho Ijip ju anihbe sühmüh arün mülakhi lakheah; Put tüsho Libya anihbe müshiprü bolung lakheah.