2 KIUTHSÜYUKHEAN 16:3 - AMÜSÜH HÜM CL Bible (BSI)

³ “I buh le nü buh ane dükeak nangde ike dükeak arihako khülang laanü; inü nü kilim shotoyinchi tüsho suna mühahchoh; yüang, Israel kiulongthsüpuh Baasha kheak nünü arihakokhi thsümünimang, junangde api I kheaknü akhinbah.”

2 KIUTHSÜYUKHEAN 16:3 Iomraidhean Croise

2 SAMUEL 21:2

Jumonü kiulongthsüpuhnü Gibeonrü jibah arü ki asuk. (Kheakü Gibeonrü ju Israel mihtsürü yungde Amorrü aningkhi lakheah; Israel mihtsürübonü arü rhangdung lashihpü thiyuchihchima lalashe, Israel tüsho Juda mihtsürübo thsungkheak Saulnü anihbuh künkhi ching arü dükheakshihpü mürang.)

1 KIULONG THSÜRÜ 15:16

Judüki Asa tüsho Israel kiulongthsüpuh Baasha dükeak arü kiulongthsü amuyung thirithsü lakheah.

2 KIUTHSÜYUKHEAN 16:2

Judüki Asanü Atungpuh yam tüsho kiulongthsüpuh yam rahpungbo chingnü shotoyinchi tüsho sunabo lu, tüsho Damaska ching lakhi Siria kiulongthsüpuh Ben-hadad kilim yüshihde tha,

2 KIUTHSÜYUKHEAN 16:4

Ben-hadadnü kiulongthsüpuh Asa ki ani, tüsho api bonungrü wühkenorübo Israel kiutobo azhihde yüshih. Arünü Ijon, Dan, Abel-maim, tüsho Naphtali kukruk zopung kiutobo alala kuk.

2 KIUTHSÜYUKHEAN 18:3

Israel kiulongthsüpuh Ahabnü Juda kiulongthsüpuh Jehoshaphat ki tha, “Nü I lung Ramoth-gilead azhihde yünahnü?” Apinü anihbuh ki alo, “I nü lung lah, I mihtsürübo ju nü mihtsürübo ah. Isa nü lung thirithsü ching labah.”

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

MUNGSHIKHÜN 15:4

shepü mük ki amütsü mihtsürü mükhemükimcho, tüsho apinü Atungpuh trerü wüntrecho; shepünü nihbuh yuride thiyuchihchimcho tüsho mümüthricho;

ABEKHIT 32:21

Mosanü Aron ki tha, “Ha mihtsürübonü nü ki tümü thsükhi nünü arü kheak neak ato hande arükhea?”

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

2 TIMOTHI 3:3

mümuzhokhi, neak mübahjihkhi, dünthamungtha, nihbuh müdanyukkhi, bukmükekhi, atsü thraneanrü,

MAHKHAPRÜ 2:2

Tüsho nüsanü ha lomi ching larü ki tangzüng müthsü; nüsanü arü kingaün sadam thsümünima keamshihbah.’ Tüshe nüsanü I yu mani. Tümüde nüsanü ha rhimokhea?