2 KIUTHSÜYUKHEAN 16:2 - AMÜSÜH HÜM CL Bible (BSI)

² Judüki Asanü Atungpuh yam tüsho kiulongthsüpuh yam rahpungbo chingnü shotoyinchi tüsho sunabo lu, tüsho Damaska ching lakhi Siria kiulongthsüpuh Ben-hadad kilim yüshihde tha,

2 KIUTHSÜYUKHEAN 16:2 Iomraidhean Croise

1 KIULONG THSÜRÜ 15:18

Judüki Asanü Atungpuh yam ching le kiulongthsüpuh yam ching lakhi rahpungbo shotoyinchi tüsho suna alala lubah api yamlarübo khah ching jih. Kiulongthsüpuh Asanü jurübo Aramrü Hezion tsührü Tabrimmon kiulongthsüpuh Ben-hadad Damaska ching labuh kilim mühah-a yüshihde tha,

2 KIULONG THSÜRÜ 12:18

kiulongthsüpuh Joashnü api jipürü Jehoshaphat, Jehoram, tüsho Ahazia, Juda kiulongthsürübonü amüsühkhitkhi kukrukbo alala tüsho anihbuh yo amüsüh kukrukbo, Atungpuh rahpung yam tüsho kiulongthsüpuh yam ching lakhi suna alala lu, tüsho harü Siria kiulongthsüpuh Hazael kilim mühah. Judüki Hazael Jirusalem chingnü tsolo.

2 KIULONG THSÜRÜ 16:8

Ahaznü Atungpuh yam le kiulongthsüpuh rahpung-yam ching lakhi shotoyinchi tüsho suna she lu, tüsho Asiria kiulongthsüpuh kilim thsambah khülang mühah.

2 KIULONG THSÜRÜ 18:15

Hezekianü Atungpuh yam tüsho kiulongthsüpuh rahpungyam ching lakhi shotoyinchi alala api kilim jih.

2 KIUTHSÜYUKHEAN 16:1

Asa kiulongthsü samrükheak thurukpü kam ching, Israel kiulongthsüpuh Baashanü Juda azhihde wutu, tüsho Juda kiulongthsüpuh Asa lomi ching khürü awukhiukpü yungsho azahpü chingnü azhipdopü Rama thsü.

2 KIUTHSÜYUKHEAN 16:3

“I buh le nü buh ane dükeak nangde ike dükeak arihako khülang laanü; inü nü kilim shotoyinchi tüsho suna mühahchoh; yüang, Israel kiulongthsüpuh Baasha kheak nünü arihakokhi thsümünimang, junangde api I kheaknü akhinbah.”

2 KIUTHSÜYUKHEAN 28:21

Tümüde Ahaznü Atungpuh yam tüsho kiulongthsüpuh le atorübo yam chingnü kukruk khürü lu tüsho Asiria kiulongthsüpuh kilim ruk jih; tüshe junü api murung.

JEREMIA 49:23

Damaska dünkheak. Hamath tüsho Arpad mulong ninido, tümüde arünü thiyusheak amütsü sodo; arübo atrekhinü janiudo, arübo mükeamramkhi keto nangde küpkhukdo.