2 KIUTHSÜYUKHEAN 16:14 - AMÜSÜH HÜM CL Bible (BSI)

¹⁴ Arünü api David kiuto ching anihbuh zangrü api thsungkheak kiukhi kiuyuk ching bah. Arünü api rhümthüneabe rhimosorünü athsakhamkhi rhümthüneabe aphuaphu zokhi dükhüm khülang kheak yapshih; tüsho arünü api ki akin jihde morimoto khülang thsü.

2 KIUTHSÜYUKHEAN 16:14 Iomraidhean Croise

THRÜNTAN 50:2

Tüsho Josepnü api yamlarü moli-mükheahrübo ki abuh ju moli mujushihpü thiyukhüm jih. Jumonü moli-mükheahrübonü Israel kheak moli muju;

THRÜNTAN 50:5

‘I buhnü I ki thiyuchihchimshihde tha, “Kheahang, I ashepü lah; Kanan lomi ching inü I thsungkheak kiukhi kiuyuk ching nünü I mi bahang.” Jumonü kheakü I wutushang tüsho I buh mi bahanü, tüsho I alode arübah.’”

2 SAMUEL 2:32

Arünü Asahel shuh-a lu tüsho Bethlehem ching lakhi abuh mibahpung ching kiuyukabah. Joab tüsho amihtsürübo tsüngreroro tsah, tüsho mükikde Hebron khiung.

2 KIUTHSÜYUKHEAN 16:13

Judüki Asa nihbuh jipürü lung yap, api kiulongthsükhi kam yirükheak khülang ching sheabah.

2 KIUTHSÜYUKHEAN 21:19

Ju kim ching, kam mahnepü akheam ching, tukthsükhi hode api rhukheam akhiuk, tüsho thsünü ato ching api sheabah. Api jipürü thsungkheak mo thsükhi nangde, api mihtsürübonü api akin jihde mo müthsü.

2 KIUTHSÜYUKHEAN 32:33

Hezekia nihbuh jipürü lung yap, tüsho arünü api David tsühsoniuso kiuyukbo wung kheak kiuyukabah; tüsho Juda le Jirusalem ching larü alalanü api shechoki wüntre jih. Api tsührü Manasenü anihbuh müthri.

2 KIUTHSÜYUKHEAN 35:24

Jumonü anihbuh yamlarübonü khora-lolungbe chingnü api bekhit tüsho api yo mahnepü khora-lolungbe chingnü hanbah Jirusalem lim arü. Ju ching api sheabah, tüsho anihbuh jipürü kiuyukbo ching api mi bah. Juda tüsho Jirusalem alalanü Josia thsungkheak tüzho.

T H S AN GYU T H S AN GR ARÜ 10:1

Ashekhi somünaknü arhümthüneabe arhüm mükede kamshihchoh, junangde aninikhüh makhakhinü lümlung tüsho akinashu lakphüneanchoh.

ISAIA 22:16

Nü ha ching tümü alim la? Ha ching keoniorü sherü a, junangde ha achang ching nü kiuyuk kiupü tüsho lung ching nü lapung kheancho?

JEREMIA 34:5

nü mungtsü chingnü ashebah. Tüsho nüsa jipürü, nü müngüh kiulongthsürübo thsungkheak arhümthüneabe takkhi nangde, arünü nü thsungkheak rhümthüneabe takbah tüsho nü thsungkheak tüzhode athabah “Aha, Atungpuh !” Tümüde inü thiyu asukdo, Atungpuhnü thachoh.

MARK 16:1

Küyimki Amuni hokhea, Mari Magdalen, Jakob abe Mari tüsho Salome arünü Jisu pang kheak mujupü rhümthüneabe lubah arü.

1 SAMUEL 31:12

athrungrü alala tsahmusubah tsüngreroro tsah, tüsho Saul pang le atsührübo pang Beth-shan rhü kheaknü lu. Arünü Jabesh ching arübah ju ching takabah.