2 KIUTHSÜYUKHEAN 15:9 - AMÜSÜH HÜM CL Bible (BSI)

⁹ Apinü Juda le Benjamin alala, tüsho arü lung hanrü thsüde alakhi Ephraim, Manase tüsho Simeon chingnü bemukhung, tümüde küyimki arünü api lung Atungpuh api Thrünpuh lah de angükhea, Israel ching ahihdonü api kilim arüabah.

2 KIUTHSÜYUKHEAN 15:9 Iomraidhean Croise

THRÜNTAN 26:28

Tüshe arünü tha, “Atungpuh nü lung lah de isanü tsükjide ngüdo. Jumonü isanü thachoh, nü tüsho isa dükeak thiyuchihchim khülang lashihanü, tüsho isanü nü kheak tangzüng khülang thsanü,

THRÜNTAN 39:3

Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

1 KIULONG THSÜRÜ 12:19

Jumonü khihni khiungde Israelnü David yamkhün azhihde arükheah.

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

1 KIUTHSÜYUKHEAN 12:19

Davidnü Saul bede keochihpü Filistiarü bebah ayüchoki Manaserü khürü api kilim arü. (Tütüshe apinü Filistiarü murung, tümüde arü yakzanshuhrübonü keokhikeora tüsho api thiyia tsoshihde tha, “Isa ku kheamshihpü apinü api putungrü Saul kilim tsoabahbah.”)

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 15:10

Arübo Asa kiulongthsü kam thürükheak phüngü khinu asampü ching Jirusalem ching mukhung.

2 KIUTHSÜYUKHEAN 19:4

Jehoshaphat Jirusalem ching lakheah; judüki api Beersheba chingnü Ephraim awung lomi lim mihtsürü bolung alode wukhiuk, tüsho arübo arü jipürü Thrünpuh, Atungpuh kilim belode arü.

2 KIUTHSÜYUKHEAN 30:25

Juda amukhungrü alala, amükeamrü tüsho Levirü, tüsho Israel chingnü akhiukkhi amukhungrü alala, Israel lomi chingnü akhiukrü khiungkerü tüsho khiungkerü Juda ching larü asühachih.

EZEKIEL 37:16

Mihtsürü tsührü, tso khülang luang tüsho ju kheak thrütang, “Juda kiulongthsü.” Jushu tso püpü luang tüsho ju kheak thrütang, “ Israel kiulongthsü”;

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

1 SAMUEL 18:28

Tüshe küyimki David lung Atungpuh lah de Saulnü alümlokhea, tüsho Saul tsührü Mikalnü api muzhokhea,