2 KIUTHSÜYUKHEAN 15:7 - AMÜSÜH HÜM CL Bible (BSI)

⁷ Tüshe nüsa, mulong toang! nüsa khahbo dükeakeashih, tümüde nüsa rhimokhi ching thsambah ngübah.”

2 KIUTHSÜYUKHEAN 15:7 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

2 KIUTHSÜYUKHEAN 19:11

Kheahang, Amaria amükeam putungpuh Atungpuh dünkheak alala ching nüsa kurungkheak lah; tüsho kiulongthsüpuh dünkheak alala ching Israel tsührü Zebadia, Juda yamkhün yo kovünor lah; tüsho Levirünü nüsa ki atorübo thsüde tankihbah. Mulong tode rhimoang, tüsho tsüde arhimorü lung Atungpuh lashang!”

2 KIUTHSÜYUKHEAN 32:7

“Reangzahang tüsho mulong toang. Asiria kiulongthsüpuh tüsho api lung bekhi boto miki dütre yungsho mulong dünini; tümüde api lung lakhi kheaknü atobe isa lung lah.

MUNGSHIKHÜN 19:11

Jurünü I nü yamlarü kilim mükheahmudu jihchoh; jurübo mihyuanikhi ching I thsambah ato lah.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

JEREMIA 31:16

Atungpuhnü ha thachoh: Nü atripkhi düsheak chingnü tüsho mük ching chike bukkhi chingnü tukloang; tümüde nü rhimo dünkheak thsambah khülang lah, Atungpuhnü thachoh: arü riri lomi chingnü arü alodarübah;

DANIEL 10:19

Apinü tha, “Dütre, tode muzhodakbuh, nü mungtsü laang. Reangzahang tüsho mulong toang!” Küyimki apinü I ki asukkhea, I reangzahde kam tüsho tha, “ I tungpuhnü asukang, tümüde nünü I reangzahde kamshihdo.”

ZEKARIA 8:9

Wuto Atungpuhnü ha thachoh: Mulong toang! I yo arüngyam thsülopü thsungkheak khimtan thsüchoki wukihrübonü asukkhi yubo nüsanü kheakü sode lah.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

MATHI 5:46

Nüsa muzhorü ki nüsanü muzhosho, nüsa tümü thsambah ngüba? Ruk-threrübonü jude rhimochoh yung de?

MATHI 6:1

“Mihtsürübonü angüshihpü arü miki nüsanü thiyuro-lungki mürhimopü kümkangang. Nüsanü rhimosho, yinmi ching nüsa Abuh kilimnü nüsa thsambah müngü.

MATHI 6:18

junangde nü khümkeak thsükhi mihtsürübo ki yung, tüshe amüngükhi nü Buh ki lang amükheahshihbah; tüsho ramde arhimokhi ngübuh nü Buhnü nü thsambah jihbah.

MATHI 6:4

junangde nünü jihchungkhi ju amümürang thsüde alabah. Judüki nünü ramde arhimokhi ngübuh nü Buhnü nü kilim thsambah jihbah.

MATHI 6:6

Tüshe küyimki nüsanü tamkhüntamnübanü nü yo khiungshak ching yüzahbah khimdopü rihang, tüsho amüngübuh nüsa Abuh ki tamkhüntamnüang. Judüki ramde arhimokhi ngübuh nüsa Abuhnü nüsa thsambah jihbah.

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

1 KORINT 16:13

Kurhangang, akin ching düküngde zhipang, mulong toang, reangzahang.

1 KORINT 3:14

Mihtsürü khürünü khimtan kheak rhimokhi aninga lasho, apinü thsambah khülang leangkhibah.

1 KORINT 3:8

Shepünü khimcho tüsho shepünü ke duhchonü ane rukhüh ah, tüsho mihbüm aban api rhimo ayannü mihkhah dün leangkhibah.

EFISIA 6:10

Akheamde, Atungpuh tüsho wuto sühmüh ching düküngang.

KOLOSI 3:24

tümütüsho yamrüplurüp thsambah Atungpuh kilimnü aleangkhibah de nünü mükheahlah; nü a Atungpuh Khrista tankihchoh.

IBRI 10:35

jumonü thsambah ato lakhi nüsa mulongram dübah.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 14:14

Jumonü khihni khiungde Hebron ju Kenizrü Jephunne tsührü Kaleb tsühsoniusobo yamrüplurüp ah, tümütüsho api mulong athrünkhinü Atungpuh Israel Thrünpuh yan.

2 JOHAN 1:8

Nüsanü arhimokhi dün müdükheakde nüsa thsambah suhdahde angüpü kurhangang.

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”