2 KIUTHSÜYUKHEAN 15:2 - AMÜSÜH HÜM CL Bible (BSI)

² Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 15:2 Iomraidhean Croise

1 KIULONG THSÜRÜ 11:25

Hadadnü thsümüchide arhimokhi nangde Solomon nimungbo alala ching api Israel azhihrü lakheah; apinü Israel mükhemürang thsü tüsho Siria kurungkheak kiulongthsü.

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

2 KIULONG THSÜRÜ 21:14

Inü I yamrüplurüp aningkhi bahyukbah, tüsho arü riri khah ching jihbah; arübo ju arü riri alala miki thsünükhi tüsho yankhia lukhi kambah,

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 11:12

Apinü kiuto alala ching tsungbo le thsühbo zojih, tüsho jurübo khide düküngde kamshih. Junangde Juda tüsho Benjamin api bukkhüp lakheah.

2 KIUTHSÜYUKHEAN 12:5

Judüki Shishak dünkheaknü Jirusalem ching mukhungkhi Rehoboam tüsho Juda atorübo kilim wukihbuh Shemaia arü, tüsho arü ki tha, “Atungpuhnü ha thachoh: Nüsanü I bahyukdo, jumonü inü nüsa Shishak khah ching jihdo.”

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

2 KIUTHSÜYUKHEAN 13:4

Judüki Abijanü Ephraim awung lomi ching lakhi Zemaraim wung düpheak kheak zhip, tüsho tha, “I ki aniang, Jeroboam tüsho Israel alala!

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 15:4

tüshe arü lümthsünükhi ching küyimki arünü Atungpuh , Israel Thrünpuh kilim rholokhea, tüsho api yimkhea, api ju arünü ngü.

2 KIUTHSÜYUKHEAN 20:15

Apinü tha, “Aniang, Juda le Jirusalem ching larü alala, tüsho kiulongthsüpuh Jehoshaphat: Atungpuhnü nüsa ki ha thachoh: ‘ Ha bonungrü boto kheak dütre yungsho mulong dünini; tümüde keochihpü ju nüsa yo yung tüshe Thrünpuh yo.

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

2 KIUTHSÜYUKHEAN 24:20

Judüki amükeambuh Jehoiada tsührü Zekaria kheak Thrünpuh me arü; apinü mihtsürübo müngüh zhip tüsho arü ki tha, “Thrünpuhnü ha thachoh: Nüsa akuk müngüpü thsüde küde thsah nüsanü Atungpuh yukhümbo thsümünimcho le? Tümütüsho nüsanü Atungpuh bahyukdo, apinü she nüsa bahyukdo.”

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

2 KIUTHSÜYUKHEAN 33:12

Api lümthsünü ching lachoki apinü anihbuh Thrünpuh, Atungpuh ki tamkhüntamnü tüsho anihbuh jipürü Thrünpuh miki tode azhihayihde kam.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

EZRA 8:22

Limro ching isa riribo aheangshihpü bonungrübo tüsho khoraberübo kiulongthsüpuh ki kheangpü inü achih; tümüde Thrünpuhnü api kheak kinrü aban müngühjihchoh, tüshe api kheaknü chamkhide atsorü a apinü masüh tüsho thsümüchichoh de inü kiulongthsüpuh ki thakheah.

MUNGSHIKHÜN 34:4

Inü Atungpuh yim, tüsho apinü I ki alojih, tüsho I trekhi alala chingnü I bekhit.

MUNGSHIKHÜN 53:2

Thrünpuhnü yinmi chingnü mihtsürü tsührübo kheak, khürükhüh anikhitde, Thrünpuh yimrü lashi mülanü abinkhia kheahchoh.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 51:1

I ki aniang, nüsa thiyuro-lungki müshamrübo, nüsa Atungpuh yimrübo. Nü phukkhipung lung kheak tüsho nü kiupung alokhün kheahang.

ISAIA 7:13

Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

AMOS 5:14

Amütsü yungde atsü yimang, junangde nüsa alabah; tüsho junangde nüsanü athakhi nangde Atungpuh , Wuto Thrünpuh nüsa lung labah.

ZEKARIA 1:3

Jumonü arü ki thaang, Wuto Atungpuhnü ha thachoh: I kilim rholoang, Wuto Atungpuhnü thachoh, tüsho inü nü kilim rholobah, Wuto Atungpuhnü thachoh.

WÜHKHE 14:42

Duwutu, jude yungsho nüsa ririnü nüsa kukbah, tümüde Atungpuh nüsa bolung müla.

WÜHKHE 14:43

Tümütüsho Amalekrü tüsho Kananrü nüsa müngüh lah, tüsho nüsa nukshangnü akeamshihbah; tümütüsho nüsanü Atungpuh kheaknü alode tsodo, Atungpuh nüsa lung lapü yung.”

MATHI 13:9

Nüsa nükhün kihlasho aniang!”

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

YUZÜNGTHALO 31:17

Ju nimung ching arü azhihde I bukakhiukbah, inü arü bahyukbah tüsho I miro arü kinü arambah tüsho arübo dükheakbah. Tüsho amütsübo tüsho thsümütsü ahihdo arü kheak yükihbah, junangde arünü ju nimung thabah, ‘Isa Thrünpuh isa lung mülakhi hode harü amütsübo isa kheak arüchoh yung de?’

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.

IBRI 10:38

tüshe I yo thiyuro-lungkirü akin hode alabah, tüsho apinü tuklode tsosho I menü api kheak masüh.”

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

JIHUSUA 22:31

Eleazar tsührü amükeambuh Phinehasnü Reubenrü, Gadrü tüsho Manaserü ki tha, “ Khihni isa lung Atungpuh lah de isanü mükheahlah, tümütüsho nüsanü api mazhih, kheakü nüsanü Israelrü Atungpuh khah chingnü bekhitdo.”

JIHUSUA 24:20

Nüsanü api bahyukde khiungkerü thrünpuhbo tankihsho, apinü nüsa ki atsü rhimo dunglim rholobah nüsa thsümüchide adükheakshihbah.”

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 3:13

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 3:22

Shepü nükhün kihlanü, Menü borübo ki tümü thachonü apinü aniang.’ ”

AMIKHEAKAKHIUKKHI 3:6

Shepü nükhün kihlanü, Menü borübo ki tümü thachonü apinü aniang.’

MAHKHAPRÜ 10:13

Tütüshe nüsanü I bahyuk tüsho püpürü thrünpuhbo tankih. Jumonü kheaküa inü nüsa mübekhit.

MAHKHAPRÜ 9:7

Küyimki ha Jotham ki thakhea, apinü yübah Gerizim wung kheak zhip, tüsho achangnü zhide arü ki tha, “I ki aniang, nüsa Shekem mihtsürübo, junangde Thrünpuhnü nüsa ki anibah.

1 SAMUEL 12:14

Nüsanü Atungpuh tresho tüsho api tankihsho tüsho api yu anide Atungpuhnü thiyukhüm jihkhi mazhihsho, tüsho nüsa le nüsa kurungkheak kiulongthsüpuhnü Atungpuh nüsa Thrünpuh yansho, ju atsübah;

1 SAMUEL 12:15

tüshe nüsanü Atungpuh yu manide api yukhüm azhihsho, nüsa jipürü kheak azhihkhi nangde Atungpuh khahnü nüsa le nüsa kiulongthsüpuh azhihbah.