2 KIUTHSÜYUKHEAN 15:17 - AMÜSÜH HÜM CL Bible (BSI)

¹⁷ Tüshe achang dangpungbo Israel chingnü müyihkhit. Judüalalashe Asanü api nimungbo alala ching Atungpuh ki thiyuro lakheah.

2 KIUTHSÜYUKHEAN 15:17 Iomraidhean Croise

1 KIULONG THSÜRÜ 11:4

Tümüde küyimki ashinbuhrü kamkhea, api niuberübonü api mulong arü thrünpuhbo kilim bephülap; tüsho abuh David mulong nangde api mulong ju Atungpuh api Thrünpuh kilim thiyuro mülakheah.

1 KIULONG THSÜRÜ 22:43

Apinü abuh Asa limro alala ching tsah; Atungpuh miki alungki rhimode, apinü ju chingnü manguh; judüalalashe achang dangpungbo lude mutso, tüsho mihtsürübonü kheaküshe laksah-a kingaün tüsho achang dangpungbo kheak rhümthüneabe jih.

2 KIULONG THSÜRÜ 12:3

Judüalalashe, achang dangpungbo müthsümünimde alakheah; mihtsürübonü mutuklode laksah-a kingaün tüsho achang dangpung kheak kingaün jih.

2 KIULONG THSÜRÜ 14:4

Tüshe achang dangpung luka mübah; mihtsürübonü judü lang laksah-a kingaün tüsho achang dangpungbo kheak rhümthüneabe tak.

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 15:18

Apinü abuh tüsho anihbuhnü müsühkhitkhi kukrukbo Thrünpuh yam ching hande yüzah–shotoyinchi, suna tüsho pungphurubo.

2 KIUTHSÜYUKHEAN 17:6

Api mulong ju Atungpuh limrobo ching düküngde alakheah; kheaküshe apinü achang dangpungbo tüsho Ashera thrünbebo Juda chingnü yihkhita bah.

2 KIUTHSÜYUKHEAN 20:32

Apinü abuh Asa limrobo ching tsah tüsho Atungpuh miki alungki rhimode, ju chingnü manguh.

2 KIUTHSÜYUKHEAN 20:33

Achang dangpungbo yihkhita mübah; mihtsürübonü arü jipürü Thrünpuh kheak arü mulong müjihyide alakheah.

2 KIUTHSÜYUKHEAN 28:4

Apinü achang dangpungbo, awungbo kheak tüsho sangdung phüyak aban khüp laksah-a taka kingaünkhibo jih.

2 KIUTHSÜYUKHEAN 33:17

Judüalalashe mihtsürübonü achang dangpungbo kheak kingaün jih, tüshe Atungpuh arü Thrünpuh kilim lang alakheah.