2 KIUTHSÜYUKHEAN 15:16 - AMÜSÜH HÜM CL Bible (BSI)

¹⁶ Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 15:16 Iomraidhean Croise

1 KIULONG THSÜRÜ 15:10

apinü Jirusalem ching kam yirükheak khülang kiulongthsü. Aji mung ju Abishalom tsührü Maaka lakheah.

1 KIULONG THSÜRÜ 15:2

Apinü Jirusalem ching kam mahsam kiulongthsü. Abe mung ju Abishalom tsührü Maaka lakheah.

2 KIULONG THSÜRÜ 23:12

Ahaz khiungshak kumung lakhi kingaün sadam, küpü Juda kiulongthsürübonü athsükhea, tüsho Manasenü athsükhi Atungpuh yam khiungshak mahne ching lakhi kingaün sadam, kiulongthsüpuhnü lukbah adütre kamde yihthünak, tüsho lungjinimbo Kidron ayung ching jipa bah.

2 KIULONG THSÜRÜ 23:15

Kheaküshe, Nebat tsührü Jeroboamnü Israel neak yihbeakshihde athsükhi Bethel ching kingaün sadambo tüsho achang dangpungbo lukabah. Apinü achang dangpung takbah asungthulung kamde züthünak; apinü Ashera sangthsü she tak.

2 KIULONG THSÜRÜ 23:4

Kiulongthsüpuhnü Hilkia achangbe amükeambuh, api khin amükeamrübo, tüsho ripit neakrübo ki Baal, Ashera, tüsho chiningbo thsungkheak thsükhi kukrukbo alala Atungpuh arüngyam chingnü lude akhiukshihpü thiyukhüm jih; apinü jurübo Jirusalem aleanglim Kidron mükeak chingnü tak tüsho awahbo Bethel ching hande yü.

2 KIULONG THSÜRÜ 23:6

Apinü Atungpuh yam chingnü Ashera sangthsü yihkhitbah Jirusalem aleanglim, Kidron ayung lim lude yünü takbah asungthulung kamde kingnak tüsho asungthulung ju mihtsürü dümung kiuyukbo kheak bah.

2 KIUTHSÜYUKHEAN 15:17

Tüshe achang dangpungbo Israel chingnü müyihkhit. Judüalalashe Asanü api nimungbo alala ching Atungpuh ki thiyuro lakheah.

2 KIUTHSÜYUKHEAN 29:16

Amükeamrübonü Atungpuh yam alunglim müsühkhitpü yüzah, tüsho arünü Atungpuh arüngyam ching ngükhi amümüsüh kukruk alala Atungpuh yam khikzhakpung ching lude akhiuk; tüsho Levirübonü jurübo lubah Kidron ayung ching yü.

2 KIUTHSÜYUKHEAN 30:14

Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

2 KIUTHSÜYUKHEAN 34:7

apinü kingaün sadambo lukkheam, Ashera sangthsübo adübün kamde kingnak, tüsho rhümthüneabe kingaün sadambo alala Israel lomi alala ching thsümünim. Jushu api Jirusalem lim alode yü.

ABEKHIT 32:20

Tüsho arünü athsükhi moshipung-nunu apinü lubah mo ching takabah; jushu apinü asungthulung kamde dungthünakbah ke ching hiumüzütabah, tüsho Israelrünü ju yungshih.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

ZEKARIA 13:3

Tüsho mürangkhüh wukihrü khürü akhiuksho, arü abuh tüsho arü zübekhi berübonü athabah, “ Nü ashebah, tümüde nünü Atungpuh mung ching akeangyu asukchoh;” tüsho arü züberü arü abuh tüsho berübonü arünü müchitchoki arü chinkhitshihbah.

MARK 3:21

Tüshe küyimki api betsührübonü ha dünkheak sokhea, arünü api tholopü wukhiuk, tümüde arünü tha, “Api yingyinga lah.”

JOHAN 18:1

Küyimki Jisunü harü yubo thakhea, apinü ajingyanrübo bebah chamachih tüsho Kidron ayung hode yü. Ju dangpung ching shahwün khülang lakheah tüsho Jisu le ajingyanrübonü ju ching yüzah.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.

YUZÜNGTHALO 9:21

Judüki inü nüsanü athsükhi amünean kukruk sangthsü lubah mo ching tak tüsho adütre tüsho asungthulung nangde mükamyi khiungde kingnak; tüsho inü asungthulung ju müzüng chingnü bukde akikhi yung ching bah.