2 KIUTHSÜYUKHEAN 15:15 - AMÜSÜH HÜM CL Bible (BSI)

¹⁵ Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 15:15 Iomraidhean Croise

2 KIULONG THSÜRÜ 23:3

Kiulongthsüpuhnü dungjing ki zhip tüsho api yukhümbo, yakzanbo, thiyuzüngbo ha hüm ching thrüta lakhi tangzüngkhi yubo rhimode Atungpuh yanpü api miki tangzüng khülang thsü. Mihtsürü alalanü tangzüngkhi ching arihde yan.

1 KIUTHSÜYUKHEAN 16:10

Api amüsüh mung ching müretahang; Atungpuh yimrü mulong asühachihshang.

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 14:6

Lomi sühakhimde alachoki kiutobo thsü. Ju nimungbo ching apinü thiri müthsü, tümüde Atungpuhnü api kilim mungtsü jih.

2 KIUTHSÜYUKHEAN 14:7

Apinü Judarü ki tha, “Isanü harü kiutobo thsanü, tüsho ju rhübo, aheangsadambo, ripitbo tüsho akhrihbebonü mükamdoanü; alomi ju kheaküshe isa yo ah tümütüsho isanü Atungpuh isa Thrünpuh yimdo; isanü api yim, tüsho apinü isa kilim thrip abande mungtsü jih.” Jumonü arünü thsü tüsho akuk ngü.

2 KIUTHSÜYUKHEAN 15:12

Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:14

Arünü düsheak atonü zhide, hulipungpung tüsho shihjuhbo mütde Atungpuh kilim thiyuchihchim khülang lu.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 15:4

tüshe arü lümthsünükhi ching küyimki arünü Atungpuh , Israel Thrünpuh kilim rholokhea, tüsho api yimkhea, api ju arünü ngü.

2 KIUTHSÜYUKHEAN 15:6

Arübo adütre kamde yihthünak, trükshihnü trükshih azhih tüsho kiutonü kiuto azhih, tümüde Thrünpuhnü arü lümthsünü aphuaphunü küpkhuk jih.

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 20:30

Tüsho Jehoshaphat kiulongthsü keamramde kam, tümüde api Thrünpuhnü anihbuh kilim mühi alala ching sühakhim jih.

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

2 KIUTHSÜYUKHEAN 29:36

Tüsho Hezekia le mihtsürü alalanü Thrünpuhnü mihtsürübo thsungkheak rhimokhi dünkheaknü asühachih; tümüde hadürü zukleangnü arü.

2 KIUTHSÜYUKHEAN 34:31

Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 119:111

Nü yukhümbo ju lünnü yamrüplurüp thsüde inü ludo, tümüde jurübo I mulong asühbe lah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

ABEKHIT 24:3

Jumonü Mosanü akibah mihtsürübo ki Atungpuh yubo tüsho yakzanbo alala tha. Mihtsürü alalanü düsheak khülangnü alo tüsho tha, “Atungpuhnü athakhi yubo alala isanü arhimobah.”

MÜCHITMUDU 3:17

Anihbe limrobo ju abünazün tüsho anihbe tsahpungbo mungtsü lah.

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

YUZÜNGTHALO 26:11

Tüsho nü le Levirü tüsho nüsa lung lakhi khiungkerünü Atungpuh nü Thrünpuhnü nü tüsho nü yamkhün kilim jihkhi atsübo alala ching asühachihbah.

FILIPI 1:23

I mahne dükeak thoachihchoh. I a chamachihbah Khrista lung lapü künlah, tümüde ju atsübe ah.

JIHUSUA 23:1

Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,

JIHUSUA 24:25

Jumonü Jihusuanü mihtsürübo thsungkheak ju nimung tangzüng thsakham, tüsho Shekem ching arü thsungkheak yakzan tüsho thiyuzüngbo thsüjih.