2 KIUTHSÜYUKHEAN 15:13 - AMÜSÜH HÜM CL Bible (BSI)

¹³ Athunu yungsho ashinkhi, athrürü yungsho aliberü thsüthsü, shepünü Atungpuh , Israel Thrünpuh müyimbanü asheshihpü thsü.

2 KIUTHSÜYUKHEAN 15:13 Iomraidhean Croise

THRÜNTAN 19:11

Tüsho arünü thüyam ripit limro kheak larü anini tüsho ato chido mük tukshihpünü shik, junangde arünü khimdopü müyimkhit.

1 KIULONG THSÜRÜ 18:40

Elijanü arü ki tha, “Baal wukihrübo ramang; arü khülang she dütsoshih.” Judüki arünü arübo ram; tüsho Elijanü arübo Kishon dükhün ching bede aki, tüsho arübo ju ching laksah.

2 KIUTHSÜYUKHEAN 15:14

Arünü düsheak atonü zhide, hulipungpung tüsho shihjuhbo mütde Atungpuh kilim thiyuchihchim khülang lu.

JOB HU H T ANYU 3:19

Anini tüsho ato ju ching lah; tüsho azhorübo arü putungrü kheaknü zuzu lah.

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

MUNGSHIKHÜN 115:13

Apinü Atungpuh trerü, anini tüsho ato chido müngühjihbah.

ABEKHIT 12:29

Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 22:19

“Shepünü shiwüh lung müzammürambanü tsükjide asheshihbah.

ABEKHIT 22:20

“Atungpuh kheak hode shepünü püpü thrünpuh ki laksah-a kingaünbanü shahde adükheakshihbah.

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

YUNIRÜBO RHIMO 26:22

Khihni khiungde Thrünpuh kilimnü arükhi arung lah, junangde püpü thsungkheak müthade wukihrübo tüsho Mosanü athakhi dünjipü lakhi anini tüsho ato chido ki inü thiyumütsan thsüde zhiplah:

YUZÜNGTHALO 29:18

khükia nüsa bolung athrürü yungsho aliberü yamkhün yungsho trük, Atungpuh isa Thrünpuh kheaknü mulong rholobah harü trükshih thrünpuhbo tankihbah, tüsho nüsa bolung aying akhüh tüsho ari zahkhi sang nangde alabah;

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 6:15

Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde,