2 KIUTHSÜYUKHEAN 15:12 - AMÜSÜH HÜM CL Bible (BSI)

¹² Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:12 Iomraidhean Croise

1 KIULONG THSÜRÜ 8:48

arünü arü mulong tüsho me athrünkhinü arü rama lubah ayükhi arü riri lomi chingnü müthrisho, tüsho nünü mokhitkhi kiuto tüsho nü mung thsungkheak thüyam thsükhi tüsho nünü arü jipürü kilim jihkhi lo lim nü ki tamkhüntamnüsho;

2 KIULONG THSÜRÜ 11:17

Jehoiadanü Atungpuh tüsho kiulongthsüpuh le mihtsürü dükeak tangzüng thsü, junangde arübo Atungpuh mihtsürü thsübah; kiulongthsüpuh tüsho mihtsürübo dükeak she thsü.

2 KIULONG THSÜRÜ 23:3

Kiulongthsüpuhnü dungjing ki zhip tüsho api yukhümbo, yakzanbo, thiyuzüngbo ha hüm ching thrüta lakhi tangzüngkhi yubo rhimode Atungpuh yanpü api miki tangzüng khülang thsü. Mihtsürü alalanü tangzüngkhi ching arihde yan.

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 15:4

tüshe arü lümthsünükhi ching küyimki arünü Atungpuh , Israel Thrünpuh kilim rholokhea, tüsho api yimkhea, api ju arünü ngü.

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 23:16

Jehoiadanü api le mihtsürü alala tüsho kiulongthsüpuh dükeak arübo Atungpuh mihtsürü thsüpü tangzüng khülang thsü.

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

NEHEMIA 10:29

keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

NEHEMIA 9:38

Harübo dünjikhi hode, isa Israelrünü düküngde tangzüng, tüsho thrüt tüsho limberübo, Levirübo tüsho amükeamrübonü arü mütsan yümkih.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

YUNIRÜBO RHIMO 24:14

Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh.

2 KORINT 8:5

Tüsho arünü ha isanü alümkhi nangde arhimokhi yung, tüshe akhuhde arü küdah thsüde Atungpuh kilim, tüsho jushu Thrünpuh lümkhi yande isa kilim jih.

YUZÜNGTHALO 10:12

“Tüsho kheakü, O Israel, Atungpuh nü Thrünpuhnü nü kheaknü tümü kheangcho, tüshe Atungpuh nü Thrünpuh wüntreang, api limrobo ching tsahpü tüsho api muzhopü Atungpuh nü Thrünpuh nü mulong tüsho nü me athrünkhinü atankihpü,

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

YUZÜNGTHALO 29:11

nüsa tsührü aninibo tüsho nüsa niuberübo–kheaküshe nüsa khimyam ching lakhi khiungkerübo, nüsa sangyihrü chingnü kekhiprü khiungde–

YUZÜNGTHALO 29:12

junangde nüsanü Atungpuh nüsa Thrünpuh tangzüngkhi ching tüsho Atungpuh nüsa Thrünpuhnü khihni nüsa ki thiyuchihchimkhi ching yüzahbah,

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.

JIHUSUA 24:25

Jumonü Jihusuanü mihtsürübo thsungkheak ju nimung tangzüng thsakham, tüsho Shekem ching arü thsungkheak yakzan tüsho thiyuzüngbo thsüjih.