2 KIUTHSÜYUKHEAN 15:1 - AMÜSÜH HÜM CL Bible (BSI)

¹ Oded tsührü Azaria kheak Thrünpuh me arü.

2 KIUTHSÜYUKHEAN 15:1 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

2 KIUTHSÜYUKHEAN 14:15

Arünü shiwüh larü khimyambo she yankhi tüsho namfimihnubo, mihnubo tüsho kemelbo suhdahde hanbah tso. Jushu arünü Jirusalem lim alode arü.

2 KIUTHSÜYUKHEAN 20:14

Judüki Atungpuh me amukhungrü phulung chingnü Jahaziel, Zekaria tsührü, Benaia tsührü, Jeiel tsührü, Mattania tsührü, Asaph tsühsoniuso Levibuh kheak akih.

2 KIUTHSÜYUKHEAN 24:20

Judüki amükeambuh Jehoiada tsührü Zekaria kheak Thrünpuh me arü; apinü mihtsürübo müngüh zhip tüsho arü ki tha, “Thrünpuhnü ha thachoh: Nüsa akuk müngüpü thsüde küde thsah nüsanü Atungpuh yukhümbo thsümünimcho le? Tümütüsho nüsanü Atungpuh bahyukdo, apinü she nüsa bahyukdo.”

WÜHKHE 11:26

Kheakü azothsürü nerü bolung ane mahne Eldad tüsho Medad khimyam ching müyüde binkheampung ching bin. Ju binkheampung ching me ane kheak arü tüsho ane she müchitmudupü tankih.

WÜHKHE 24:2

Tüsho Balaamnü amük züngkihbah kheahshe Israelrübo trük binkheamde ngü. Tüsho Thrünpuh memüsüh api kheak arü,

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.