2 KIUTHSÜYUKHEAN 14:13 - AMÜSÜH HÜM CL Bible (BSI)

¹³ Asa tüsho api lung bonungrünü arübo Gerar khiungde müsham, tüsho Sudanrü she lang she rhangdung aninga müla khiungde keamabah; tümüde arübo Atungpuh tüsho api bonungrü müngüh thsümünima lakheah. Juda mihtsürübonü ayankhikhi kukruk ato hanbah yü.

2 KIUTHSÜYUKHEAN 14:13 Iomraidhean Croise

THRÜNTAN 10:1

Ha Noa tsührübo lünkheyukhean: Shem, Ham, tüsho Japheth. Tüsho keking dunglim arü kilim tsührübo zübejih.

THRÜNTAN 10:19

Tüsho Kanan aredungbo ju Sidon chingnü Gerar lim Gaza khiung, tüsho Sodom, Gomorra, Adama tüsho Zeboiim lim, Lasha khiung.

THRÜNTAN 20:1

Kheakü Abraham ju chingnü hantsahde Negeb lomi lim yü, tüsho Kadesh le Shur dükeak la; tüsho Gerar ching lacholade alakheah.

THRÜNTAN 26:1

Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü.

THRÜNTAN 35:5

Judüki arünü tsahmusu, tüsho arü miki kiutobo alala kheak Thrünpuh mihtrebe lakheah, tüsho arünü Jakob tsührübo yande mümüsham.

1 KIUTHSÜYUKHEAN 12:22

Nimung abande mihtsürübonü David rungpü, Thrünpuh bonungrü nangde bonungrü ato mülayi khiungde arü.

2 KIUTHSÜYUKHEAN 12:3

Khora-lolungbe 12,000, khoraberü 60,000 tüsho mükhekhamkhi Libyarü, Sukrü tüsho Ethiopiarü bonungrü Ijip chingnü api lung arü,

2 KIUTHSÜYUKHEAN 14:14

Arünü Gerar mühi kiutobo alala kuk, tümüde Atungpuh trekhi arü kheak lakheah. Arünü kiutobo alala yankhi tüsho ayankhikhi kukruk tode lu.

2 KIUTHSÜYUKHEAN 15:11

Ju nimung arünü ayankhikhi moshipung 700 tüsho namfimihnu 7000nü Atungpuh kilim laksah-a kingaün.

2 KIUTHSÜYUKHEAN 17:10

Atungpuh trekhi Juda mühi lomi kiulongthsü alala kheak yükih, tüsho arünü Jehoshaphat azhihde thiri müthsü.

2 KIUTHSÜYUKHEAN 20:29

Küyimki arünü Israel riri kheak Atungpuhnü keochihkhi sokhea, Thrünpuh trekhi lomibo kiulongthsü alala kheak lakheah.

JOB HU H T ANYU 6:9

Thrünpuhnü asühde I zünakkhülaa, api khah atreakbah I lipkhia bahkhülaa!

JOB HU H T ANYU 9:4

Api lümlung süklah, tüsho sühmüh tolah. Shepünü Api azhihkhukde, tüsho akuk ngüde?

MUNGSHIKHÜN 108:11

O Thrünpuh, isa bahyukbuh ju nü yung de? Tüsho O Thrünpuh, nü isa riribo lung müyükhi yung de?

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

JIHUSUA 5:14

Apinü alo, “ Küpü she yung; tüshe Atungpuh bonungrü thiyukhüm jihrü I kheakü arüdo.” Tüsho Jihusuanü alo kheak khukningbah kingaün, tüsho apinü tha, “I TUN GPU H , nü yamlarü ki nünü tümü thiyukhüm jihnela?”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.