2 KIUTHSÜYUKHEAN 14:11 - AMÜSÜH HÜM CL Bible (BSI)

¹¹ Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 14:11 Iomraidhean Croise

1 KIULONG THSÜRÜ 8:44

“Nü mihtsürübo arü riri bede keochihpü yüsho, kürü ching nünü arü yüshihba, tüsho nünü amokhitkhi kiuto le nü mung thsungkheak inü athsükhi yam lim arünü Atungpuh ki tamkhüntamnüba,

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

2 KIUTHSÜYUKHEAN 13:14

Küyimki Judarünü rholokhea, thirithsü ju arü müngüh tüsho arü dunglim lakheah. Arünü Atungpuh ki zhi, tüsho amükeamrübonü hulipungpungbo müt.

2 KIUTHSÜYUKHEAN 13:15

Judüki Judarünü keochihpü aho. Tüsho küyimki Juda mihtsürübonü ahokhea, Thrünpuhnü Jeroboam tüsho Israel alala Abija tüsho Juda müngüh kukjih.

2 KIUTHSÜYUKHEAN 13:18

Hanangde ju kim ching Israelrü juyukabah, tüsho Juda mihtsürünü akuk ngü tümütüsho arünü Atungpuh , arü jipürü Thrünpuh kheak düthsün angü.

2 KIUTHSÜYUKHEAN 14:10

Asanü api shorupü wukhiuk, tüsho Maresha ching Zephatha jindükhün ching arünü keochihpü thsakham.

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

2 KIUTHSÜYUKHEAN 18:31

Küyimki khora-lolungbe wühkenorübonü Jehoshaphat ngükhea, arünü tha, “Ha Israel kiulongthsüpuh ah.” Jumonü arünü api bede keochihpü rholo; tüsho Jehoshaphatnü zhi, Atungpuhnü api rung. Thrünpuhnü arübo api kheaknü bede tso,

2 KIUTHSÜYUKHEAN 20:12

O isa Thrünpuh, nünü arü kheak mahmükhapba de? Tümüde ha bonungrü boto isa azhihde arükhi kheak isa wu-sühmüh müla. Tümü thsübanü isanü mümükheah, tüshe isa mükbo nü kheak lah.”

2 KIUTHSÜYUKHEAN 20:32

Apinü abuh Asa limrobo ching tsah tüsho Atungpuh miki alungki rhimode, ju chingnü manguh.

2 KIUTHSÜYUKHEAN 25:8

Nüsanü yübah keochihpung ching mulong tode keochihchih she, Thrünpuhnü nüsa thiriri müngüh jipyuka bahbah, tümüde Thrünpuh kheak arungpü wu yungsho jipa bahpü lah.”

2 KIUTHSÜYUKHEAN 26:7

Thrünpuhnü Filistiarü azhihde, Gur-baal ching lakhi Arabrü azhihde, tüsho Meunrü azhihde api rung.

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

MUNGSHIKHÜN 120:1

I lümthsünü ching inü Atungpuh ki zhi, tüsho apinü I ki sojih.

MUNGSHIKHÜN 18:6

I lümthsünü ching inü Atungpuh jichoh; arung thsungkheak inü I Thrünpuh ki ji. Api arüngyam chingnü apinü I düsheak so; tüsho inü azhikhi api nükhünbo khiung.

MUNGSHIKHÜN 20:5

Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

MUNGSHIKHÜN 20:8

Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 22:5

Arünü nü ki zhi, tüsho bekhit; arünü nü kheak kin, tüsho achih müngü.

MUNGSHIKHÜN 22:6

Tüshe I a mihtsürünü mükhemükimkhi tüsho luhmünekhi ari ah tüsho mihtsürü yung.

MUNGSHIKHÜN 34:6

Zhochihrü mihtsürünü zhi, tüsho Atungpuhnü alojih, tüsho api küpkhukbo alala chingnü khümkhit.

MUNGSHIKHÜN 37:5

Atungpuh kilim nü limro jihang; api kheak kinang, tüsho apinü arhimobah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 9:19

Asürang, O Atungpuh , mihtsürünü nü dükukshih; trükshihbo nü miki mahkhapang!

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 14:10

Küyimki Pharao phünide ayükhea, Israelrünü zünga kheah, tüsho Ijiprü arü dunglim müshamde alakheah. Jumonü arünü khide tre, tüsho Israelrünü Atungpuh ki zhi.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 2:22

Nupung ching sheak lang alakhi mihtsürü kheaknü rholoang, tümüde arü kheyukkhi tümü la?

ISAIA 26:13

O Atungpuh isa Thrünpuh, nü hobah püpü atungrünü isa kurungkheak yakzan shuhdo, tüshe isanü nü mung lang mütsanlah.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

LEVI 26:8

Nüsa phüngünü chi khülang yande müshambah, tüsho nüsa chi khülangnü chithürü thürü yande müshambah; nüsa riribo nüsa müngüh nukshangnü akeamshihbah.

AMOS 5:9

shepünü sühmüh lakhi azhihde athsümünim phürapshih, junangde chipi kheak athsümünim arü.

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

JOHAN 14:1

“Nüsa mulong düthsümünim, nüsanü Thrünpuh kheak kinang, tüsho I kheak she kinang.

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

YUNIRÜBO RHIMO 2:21

Tüsho shepünü Atungpuh mung jibanü akhümkhitbah.’

YUNIRÜBO RHIMO 3:16

Tüsho api mung ching akin hode nüsanü ngüde mükheahde alakhi ha mihtsürü düküngshih; tüsho Jisu hode apinü ha mihtsürü nüsa alala mikinü phü tsüde kamshih.

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

YUZÜNGTHALO 32:27

tüshe inü arü riri mükükheangshihkhukde bahdo, jude thsükhülaa arü riribonü aniphülapbah athabah, “Isa khahnü kukdo; Atungpuhnü harü alala mürhimo.” @SP ACE=

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

MAHKHAPRÜ 7:7

Atungpuhnü Gideon ki tha, “ Khahnü khipa yungrü mihtsürü 300 hode inü nü khümkhitbah tüsho nü khah ching Midiarü jihbah. Mihtsürü püpürü alala nihbuh lapung lim tsoshang.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”

1 SAMUEL 2:9

“ Apinü api kheak düküngde alarü rhangdung aheangbah, tüshe amütsürübo amiting ching dükheakbah; tümüde nihbuh sühmühnü akuk müngüchoh.