2 KIUTHSÜYUKHEAN 13:2 - AMÜSÜH HÜM CL Bible (BSI)

² Apinü Jirusalem ching kam mahsam kiulongthsü. Abe mung ju Gibearü Uriel tsührübe Mikaia lakheah. Kheakü Abija tüsho Jeroboam dükeak thirithsü lakheah.

2 KIUTHSÜYUKHEAN 13:2 Iomraidhean Croise

1 KIULONG THSÜRÜ 14:19

Kheakü Jeroboamnü arhimokhi lüpdükhi, apinü thirithsükhi tüsho kiulongthsükhibo Israel kiulongthsürübo yukhean hüm ching thrüta lah.

1 KIULONG THSÜRÜ 14:20

Jeroboamnü kiulongthsükhi kim ju kam mukukheak mahne lakheah; jushu api nihbuh jipürü lung yap, tüsho api tsührü Nadabnü api khah müthri.

1 KIULONG THSÜRÜ 15:2

Apinü Jirusalem ching kam mahsam kiulongthsü. Abe mung ju Abishalom tsührü Maaka lakheah.

2 KIUTHSÜYUKHEAN 11:20

Anihbe dunglim apinü Absalom tsührübe Maaka lu, anihbenü api kilim Abija, Attai, Ziza, tüsho Shelomith zübejih.

2 KIUTHSÜYUKHEAN 12:15

Kheakü aningkhi Rehoboam rhimobo, atankihnü akheam khiungde, wukihbuh Shemaianü athrütyukkhi tüsho wukihbuh Iddonü lün yande athrütyukkhi ching thrüta müla de? Judüki Rehoboam tüsho Jeroboam dükeak mutukzhakde thirithsü lakheah.

2 KIUTHSÜYUKHEAN 13:3

Bonungrü athrungrü amokhitkhi 400,000 bebah Abijanü thirithsü; tüsho Jeroboamnü amokhitkhi amüzhak thirithsürü 800,000 bebah api azhihde keochihpü thsakham.

JIHUSUA 18:28

Zela, Haeleph, Jebus (ju Jirusalem), Gibea, tüsho Kiriath-jearim: kiulongbo bebah kiuto 14. Ha Benjamin tsührübo yamrüplurüp ah.

MAHKHAPRÜ 19:14

Tüsho arünü tsahhode arü limro yü; tüsho arü Benjaminrü yo Gibea phünide lachoki ani yüzahabah.

MAHKHAPRÜ 19:16

Kheakü ashinbuhrü khülang arelim thulu rhimo chingnü alungde alakheah; mihtsürü ju Ephraim awung lomi chingnü ah, tüsho api Gibea ching lakheah; ju dangpung ching larü ju Benjaminrü lakheah.

1 SAMUEL 10:26

Saul she api yam lim Gibea ching yü, tüsho api lung Thrünpuhnü mulong qiukhi adüküng bonungrübo yü.