2 KIUTHSÜYUKHEAN 13:14 - AMÜSÜH HÜM CL Bible (BSI)

¹⁴ Küyimki Judarünü rholokhea, thirithsü ju arü müngüh tüsho arü dunglim lakheah. Arünü Atungpuh ki zhi, tüsho amükeamrübonü hulipungpungbo müt.

2 KIUTHSÜYUKHEAN 13:14 Iomraidhean Croise

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 18:31

Küyimki khora-lolungbe wühkenorübonü Jehoshaphat ngükhea, arünü tha, “Ha Israel kiulongthsüpuh ah.” Jumonü arünü api bede keochihpü rholo; tüsho Jehoshaphatnü zhi, Atungpuhnü api rung. Thrünpuhnü arübo api kheaknü bede tso,

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:5

Azhing mihtrebenü yungsho animung phinkhi hühzobonü nü trede müla,

ABEKHIT 14:10

Küyimki Pharao phünide ayükhea, Israelrünü zünga kheah, tüsho Ijiprü arü dunglim müshamde alakheah. Jumonü arünü khide tre, tüsho Israelrünü Atungpuh ki zhi.

WÜHKHE 10:9

Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

JIHUSUA 6:16

Tüsho thüne nipü, küyimki amükeamrübonü hulipungpung mütkhea, Jihusuanü mihtsürübo ki tha, “ Ahoang! Tümüde Atungpuhnü kiuto nüsa kilim jihdo.

JIHUSUA 8:20

Küyimki Airübonü rholoa kheahkhea, arünü thüning ching mokhüh liude ayükihkhi ngü. Arü müngühlim shande sunglo lim tsorü Israelrübonü treaklode arükhi hode arübo atsokhitpü limro müladebah.