2 KIUTHSÜYUKHEAN 12:5 - AMÜSÜH HÜM CL Bible (BSI)

⁵ Judüki Shishak dünkheaknü Jirusalem ching mukhungkhi Rehoboam tüsho Juda atorübo kilim wukihbuh Shemaia arü, tüsho arü ki tha, “Atungpuhnü ha thachoh: Nüsanü I bahyukdo, jumonü inü nüsa Shishak khah ching jihdo.”

2 KIUTHSÜYUKHEAN 12:5 Iomraidhean Croise

2 SAMUEL 24:14

Judüki Davidnü Gad ki tha, “I lümthsünü ato ching lah; ikenü Atungpuh khah ching yüzahanü, tümüde api mihmüthsüm tolah; tüshe inü mihtsürü khah ching müyüzahnü.”

1 KIULONG THSÜRÜ 12:22

Tüshe Thrünpuh mihtsürü Shemaia kilim Thrünpuh yu arü:

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 11:2

Tüshe Thrünpuh mihtsürü Shemaia kilim Atungpuh yu arü:

2 KIUTHSÜYUKHEAN 12:15

Kheakü aningkhi Rehoboam rhimobo, atankihnü akheam khiungde, wukihbuh Shemaianü athrütyukkhi tüsho wukihbuh Iddonü lün yande athrütyukkhi ching thrüta müla de? Judüki Rehoboam tüsho Jeroboam dükeak mutukzhakde thirithsü lakheah.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 24:20

Judüki amükeambuh Jehoiada tsührü Zekaria kheak Thrünpuh me arü; apinü mihtsürübo müngüh zhip tüsho arü ki tha, “Thrünpuhnü ha thachoh: Nüsa akuk müngüpü thsüde küde thsah nüsanü Atungpuh yukhümbo thsümünimcho le? Tümütüsho nüsanü Atungpuh bahyukdo, apinü she nüsa bahyukdo.”

MUNGSHIKHÜN 37:33

Atungpuhnü api anihbuh khah ching mübahjih, yungsho api mahkhapchoki mübahyuk.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 23:33

Küyimki ha mihtsürü, yungsho wukihrü, yungsho amükeamrünü nü ki keokhiba, “Atungpuh müchityu tümü a?” nünü arü ki thabah, “Tümü müchityu, tüsho inü nüsa bahyukbah, Atungpuhnü thachoh.”

JEREMIA 4:18

“ Nü limrobo tüsho nü rhimobonü ha nü kheak handarüdo. Ha nü neak hode thsümütsü lah; ha küdükhüh akhüh! Hanü nü mulong khiungdo.”

JEREMIA 5:19

Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”